1. A avaliación das prácticas farase
   a partir dun informe emitido polo titor externo da organización onde se
   realicen, e da memoria de prácticas elaborada polo alumnado que será
   avaliada polo titor universitario.
2. Para acadar o aprobado a
   valoración de ambos aspectos deberá ter a cualificación de apto.
3. Na cualificación final o informe
   do titor externo da organización representará o 80% da nota.
4. A avaliación do titor da
   organización consistirá en contestar un cuestionario remitido ao titor da
   universidade no que se recollen aspectos relacionados co profesional, coa
   puntualidade, coa laboriosidade, coa adaptación ao medio, coas relacións
   humanas, coa motivación etc.
5. Ao final do período de prácticas,
   cada estudante presentará ao titor universitario unha memoria de prácticas
   (ao redor de 10 páxinas a ordenador, con letra Arial ou Calibri a 11
   puntos e espazo 1,5. non contarán a portada, índice, bibliografía ou
   anexos) no que se describa a práctica realizada e que atenda, entre
   outros, os seguintes puntos:

a)     Portada con
apelidos e nome do/da estudante, o centro de prácticas e os datos do titor do
centro de prácticas.

b)     Índice detallado e
paxinado.

c)     Introdución coa
xustificación das prácticas, o horario e o tempo de permanencia.

d)     Características do
centro, indicando o contexto, o modelo organizativo, a planificación etc.

e)     Desenvolvemento
das prácticas. Deberá realizar unha descrición detallada das actividades e
tarefas realizadas durante a práctica.

f)       Reflexión sobre a
formación recibida.

g)     Bibliografía.

h)     Anexos.

6. Ao final do período de prácticas
   cada estudante presentará ao titor universitario, ademais, un informe de
   avaliación do centro onde realizou as prácticas seguindo o modelo establecido
   pola Universidade.
7. As prácticas de Máster poderán ser
   obxecto de recoñecemento de créditos por experiencia laboral ou
   profesional nos termos que as normativas establezan e a Coordinación do
   Máster sinale ao comezo do curso académico.