Considérase obrigatoria a asistencia tanto ás clases expositivas como ás interactivas polo que os alumnos deberán cumprir uns requisitos de asistencia mínima para poder presentarse ás probas obxectivas. Esta asistencia mínima será do 80%. 

As dúas probas obxectivas puntuables cualificaranse sobre 10 puntos cada unha. A cualificación final global destas probas obterase sumando a cualificación da proba de Sistemas Axonométricos á cualificación da proba do Sistema de Perspectiva Lineal e dividindo esta suma por dúas. Faise constar que para que se poida realizar a media entre as cualificacións de ambas as probas, a cualificación será de 5 puntos como mínimo en cada unha delas.

 Ademais da asistencia, participación e realización de traballos tutelados poderanse realizar as probas que se consideren necesarias co fin de valorar adecuadamente o grao de asimilación dos contidos conceptuais e procedimentales da materia.O alumno que alcance unha cualificación media global de 5 puntos ou superior na suma das dúas probas puntuables superará a materia por curso.

Os alumnos que non alcancen a cualificación mínima global de 5 puntos deberán presentarse ao Exame Final oficial da materia que se celebrará ao final do cuadrimestre correspondente (Primeira Convocatoria) segundo calendario oficial aprobado en Xunta de Escola.

 Gardaranse os aprobados nas probas obxectivas puntuables pero por sistemas completos. Esta condición considérase vinculada ao curso académico correspondente e por tanto estes aprobados gardaranse para a Primeira Convocatoria (Xuño) e Segunda Convocatoria (Xullo) pero exclusivamente durante o curso actual e non se manterá esta reserva para cursos posteriores. 

A corrección dos exercicios das probas puntuables e dos exames finais así como a posterior revisión dos mesmos será realizada polo profesor responsable de docencia da materia no grupo ao que pertenza o alumno. 

Nota Importante. Para que o alumno poida ter unha cualificación de aprobado nos exames finais, é obrigatorio puntuar nos exercicios correspondentes aos Sistemas Axonométricos e nos do Sistema Cónico. Unha cualificación de 0 nalgún deles daría lugar á cualificación de suspenso na materia.