Considérase obrigatoria a asistencia tanto ás sesións expositivas (TEORÍA) como ás interactivas (PRÁCTICA) polo que o alumnado deberá cumprir uns requisitos de asistencia mínima para poder presentarse ás probas obxectivas. Esta asistencia mínima será do 80%.

Para avaliar cada sistema de representación realizaranse probas obxectivas puntuables que se cualificarán sobre 10 puntos cada unha. A cualificación final global a diario obterase sumando as cualificacións de cada unha delas e dividindo esta suma polo número de probas realizadas para cada Sistema de Representación. Para que se poida realizar esta media deberá obterse unha cualificación mínima de 4 puntos na proba que inclúa todos os contidos do sistema correspondente.

Para poder superar a materia por curso será obrigatorio presentarse a TODAS as probas obxectivas. O calendario e contido das probas obxectivas comunicarase aos alumnos ao comezo das actividades docentes. O peso dos diferentes sistemas na cualificación será o seguinte: Sistema Diédrico (40%), Sistema de Planos Acoutados (20%), Sistemas Axonométricos (20%) e Perspectiva Lineal (20%).

O alumnado que alcance unha cualificación media global de 5 puntos ou superior en cada un dos sistemas nas probas obxectivas puntuables desenvolvidas durante o curso superará a materia POR CURSO.

O alumnado que non alcance a cualificación mínima global de 5 puntos nalgún dos sistemas deberá presentarse ao Exame Final oficial da materia que se celebrará ao final do 2º cuadrimestre (Primeira Oportunidade) segundo calendario oficial aprobado en Xunta de Escola.

Gardaranse os aprobados nas probas obxectivas puntuables realizadas durante o período de docencia anual, pero por sistemas completos (DIÉDRICO, ACOUTADO, AXONOMETRÍA, PERSPECTIVA). Esta condición considérase vinculada ao curso académico correspondente e por tanto estes aprobados gardaranse para a Primeira Oportunidade (Maio/Xuño) e Segunda Oportunidade (Julio) pero exclusivamente durante o curso actual e non se manterá esta reserva para cursos posteriores. Tampouco se gardarán para a Segunda Oportunidade os aprobados parciais a diario que se puidesen producir no Exame Final correspondente á Primeira Oportunidade (Maio/Xuño).

NOTA IMPORTANTE. Para que o alumno poida ter unha cualificación de aprobado nos exames finais deberá obter unha cualificación media global de 5 puntos ou superior na suma dos exercicios propostos pero será obrigatorio puntuar en todos os exercicios correspondentes aos diferentes Sistemas de Representación. Unha cualificación de 0 nalgún deles daría lugar á cualificación de suspenso na materia.

Implicacións do plaxio: A realización fraudulenta das probas ou actividades de avaliación,
unha vez comprobada, implicará directamente a cualificación de suspenso
"0" na materia na convocatoria correspondente, invalidando así calquera
cualificación obtida en todas as actividades de avaliación de cara a
convocatoria extraordinaria.