AVALIACIÓN DO MÓDULO TEÓRICO

Os contidos teóricos serán avaliados cun exame final que constará de dous partes (unha por cada profesor da materia) sendo necesario aprobar ambas as partes para superar o módulo teórico. O exame poderá combinar preguntas tipo test con preguntas curtas a desenvolver incluíndo imaxes e simulacións de casos clínicos reais. Este exame representa o 70% da cualificación final da materia.

AVALIACIÓN DO MÓDULO PRÁCTICO.

Durante as prácticas de laboratorio e clínicas realizaranse controis de asistencia sendo necesario asistir ao 100% delas para poder ser avaliados e optar á cualificación de aprobado nas convocatorias oficiais de xuño ou xullo.

Na súa realización teranse en conta as actitudes e aptitudes demostradas polo alumno en base aos seguintes criterios:

Aplicación gradual á práctica dos coñecementos adquiridos na teoría.
Destreza e habilidade na execución das técnicas explicas.
Cumprimento das normas xerais de prácticas establecidas para o efecto e incluídas na guía do estudante.
Grao de interese e participación do alumno.
DINAMICA DAS PRÁCTICAS

O grupo de alumnos que asiste á práctica clínica deberá traballar de forma organizada e en equipo respectando en todo momento a normativa de práctica clínica e as instrucións dadas polo profesorado da materia, quen será os encargados de distribuír as diferentes tarefas:

Alumno que asiste na intervención cirúrxica: seguirá en todo momento as instrucións do profesorado da materia e ao finalizar esta acompañará ao paciente ata o servizo de Admisión onde o persoal encargado proporcionará a correspondente cita para o seguimento postoperatorio.
Alumno encargado de aplicar a anestesia local: xunto co profesorado da práctica clínica realizará a técnica anestésica correspondente.
Alumno encargado da instrumentación: preparará o material necesario para a intervención ademais de asistir no enguantado e vestimenta estéril do alumno asistente na intervención.
Alumno responsable da documentación clínica cirúrxica: deberá revisar a historia clínica cirúrxica antes da intervención comprobando que o paciente achega todas as probas preoperatorias necesarias así como o consentimento informado. Así mesmo encargarase de cubrir a folla de quirófano a medida que se desenvolve a intervención.
Chegados a este punto, é importante lembrar que a historia clínica constitúe un documento confidencial de importancia non só asistencial senón tamén legal, polo que toda actuación realizada sobre o paciente deberá quedar reflectida nela así como o nome (de forma clara e legible) de todos os alumnos que tomasen parte na intervención e asinado todo iso polo profesor responsable da práctica.

O alumno deberá realizar e superar un exame final práctico que supoñerá o 20% da cualificación final da materia. Este exame práctico será realizado en horario de práctica clínica segundo calendario académico aprobado en Xunta de Centro. O mesmo día da súa realización facilitarase toda a información relativa á normativa de cualificación do mesmo.



CUALIFICACIÓN FINAL

Para superar a materia é necesario que o alumno:



Obteña unha nota igual ou superior ao 50% da puntuación nas dúas partes das que consta o exámen final teórico.
Realice as actividades encomendadas polo profesorado na aula.
Asista á totalidade das prácticas de laboratorio e clínicas.
Obteña unha nota igual ou superior ao 50% da puntuación no exame final práctico.
Formando parte dun grupo de traballo elabore e expoña razonadamente na aula dous consentimentos informados cirúrxicos.


A cualificación final do alumno quedará fixada de forma numérica entre 0 e 10, sendo o 5 a nota mínima para aprobar. Aqueles alumnos que obteñan unha nota superior a 9 poderán optar á matrícula de honra.



NOTA: Os ALUMNOS CON MATRICULA PARCIAL PODERÁN OPTAR A PRESENTAR EN MODALIDADE NON PRESENCIAL/ ONLINE Os TRABALLOS QUE SE REALICEN NA aula