Descrición xeral |
Esta materia ten por obxectivo estudar as técnicas e ferramentas orientadas ao deseño de produtos de ámbito industrial asistido por computador. En concreto a materia céntrase no deseño e análise de detalle asistidos por computador:
•Deseño (orientado ao PRODUTO): é preciso plasmar as ideas sobre novos produtos ou as modificacións dos existentes de forma gráfica concretando esas ideas nun deseño de detalle (CAD) para realizar as análises e numéricos que aseguren a validez do produto (CAE).
• O deseño asistido por computador comprende moitas disciplinas da Enxeñaría Industrial: mecánica de sólidos, termodinámica, mecánica de fluídos, elasticidade e resistencia de materiais, electricidade e electrónica, hidráulica, etc. Nesta materia centrámonos sobre todo en todo o relacionado coa enxeñaría mecánica: especialmente no deseño de máquinas, cinemática e dinámica de máquinas, elasticidade e resistencia de materiais. Por tanto, a materia de deseño asistido por computador pode considerarse o culmen do deseño en enxeñaría mecánica, xa que comprende e usa coñecementos impartidos noutras disciplinas como teoría de máquinas, tecnoloxía de máquinas e resistencia de materiais e elasticidade entre outras. -O obxectivo da materia é que o alumno adquira os coñecementos e habilidades que lle permitan levar a cabo o deseño de detalle dun produto complexo facendo uso das ferramentas CAD/CAE de nivel medio, así como desenvolver os planos, despezamentos e toda a información necesaria para definir o deseño, todo iso no contexto da enxeñaría mecánica industrial. Isto implica o coñecemento de:
a) As técnicas de representación.
b) Os elementos mecánicos: eixos, rodamientos, resortes, engrenaxes, etc.
c) Os procesos de fabricación.
d) Coñecementos básicos de mecánica, elasticidade e resistencia de materiais, termodinámica, electricidade e todas aquelas disciplinas básicas que interveñen no deseño.
|