En canto ó exame final e á cualificación na acta, lémbranse os seguintes acordos da Comisión Permanente da Facultade de Economía e Empresa do 6 de xullo de 2011:

Cualificación de non presentado. Corresponde ó alumnado, cando só participe de actividades de avaliación que teñan unha ponderación inferior ó 20% sobre a cualificación final, con independencia da cualificación acadada.

Condicións de realización do exame final. Está prohibido acceder á aula de exame con calquera dispositivo que permita a comunicación co exterior e/ou o almacenamento de información.

Avaliación da oportunidade de xullo. Esta debe realizarse cos mesmos criterios que os utilizados, no seu caso, na avaliación do primeiro ou do segundo cuadrimestre.

Por último, no caso de que ao alumno se lle conceda unha oportunidade de "avaliación adiantada", manterase os mesmos criterios que na oportunidade de xullo

Alumnado con recoñecemento de dedicación a tempo parcial e dispensa
academica de exención de asistencia: Na primeira e segunda oportunidade,
os criterios de avaliación rexiránse dacordo á realización dunha proba
mixta cun peso do cen por cento sobre a cualificación. Consistirá nunha
proba na que se incluirán cuestións teóricas e prácticas nas que os
estudantes terán que demostrar ter alcanzado as competencias e os
resultados de aprendizaxe da materia.

Os criterios e actividades
de avaliación correspondentes á segunda oportunidade serán os mesmos que
os establecidos para a primeira.