A avaliación terá en conta a asistencia activa ás aulas das sesións maxistrais e a realización dun traballo práctico de descrición dun códice. Tamén se indicarán ao longo do curso traballos a realizar sobre a bibliografía de lectura obrigatoria. Os traballos deberán ser entregados dentro do prazo máximo da data que se indique en cada caso.
Na avaliación dos traballos prácticos terase en conta a boa calidade do contido e tamén a corrección lingüística, a claridade expositiva e a observación das normas estándar para a elaboración de traballos académicos (citas, bibliografía, etc.).

Aqueles/as alumnos /as que teñan algún tipo de excepcionalidade para vir a clase legalmente concedida, que falen co/a pofesor/a á comezos de curso para establecer as titorías e os sistemas de avaliación correspondentes