Tras cursar a asignatura, o alumno estará capacitado para poder identificar, peritar e afrontar de forma eficaz os problemas usuais que poden presentar as estruturas de fábrica dentro do contexto da obra de rehabilitación. Para poder desenvolver estas capacidades facilitaranse os coñecementos necesarios referentes á inspección e recoñecemento de estruturas de fábrica, a identificación das lesións que se producen, a súa valoración e tratamento, o diagnóstico de patología ligada á estrutura de fábrica e as técnicas básicas de intervención sobre os elementos estructurales de fábrica, complementando este saber coa bibliografía e normativa existente. Estes contidos serán expostos nas clases de teoría. Para garantir que o alumno sexa capaz de aplicar adecuadamente estes coñecementos, propóñense unha serie de clases prácticas que versasen sobre a exposición e debate dunha serie de casos prácticos complementadas coa realización dun traballo específico sobre a materia. Este traballo que estará relacionado coa actividade profesional do arquitecto dentro do contido específico desta asignatura.
Plan de continxencia
Consideráronse dúas situacións posibles:
ESCENARIO 1
Dado que nesta materia o número de alumnos é o mesmo nas exposicións teóricas e nas clases prácticas non ten sentido establecer un escenario no que non sexa factible a docencia presencial das clases expositivas e si o sexa a docencia interactiva
ESCENARIO 2
Exponse un segundo escenario no que ante un posible confinamento non sexa factible ningún tipo de docencia presencial. En tal caso, os cambios previstos son os seguintes:
1. Modificacións nos contidos
Non se realizan cambios.
2. Metodoloxías
*Metodoloxías docentes que se manteñen
Ningunha
*Metodoloxías docentes que se modifican
Sesión maxistral, solución de problemas, esquemas, estudo de casos, traballos tutelados.
A imposibilidade de continuar utilizando ambas as metodoloxías en formato presencial obriga a adoptar estratexias alternativas que faciliten as aprendizaxes con independencia das posibles continxencias relativas ao equipamento e conexión do alumnado. Por iso, óptase por facilitar a través da plataforma Moodle a documentación necesaria para continuar avanzando no programa formativo, e o resto das tarefas efectúanse coa axuda da plataforma Teams incluída en Office365.
3. Mecanismos de atención personalizada ao alumnado
Moodle, foro virtual, correo-e.
O foro permanece aberto durante todo o período lectivo, respondendo o profesorado ás posibles consultas tanto durante as sesións virtuais como durante o horario oficial de tutorías.
Teams, reunións virtuais e canles.
Mantéñense abertos as canles de comunicación (xeral e por grupos) para que o alumno poida elevar consultas.
Correo-e
É o modo de comunicación máis frecuente das dúbidas que se lle expoñen ao alumno. Aténdese con acordo aos horarios de tutorías establecidos como mínimo.
4. Modificacións na avaliación
Mantéñense as mesmas metodoloxías previstas na guía, pero realizándose as entregas de forma electrónica vía Moodle
*Observacións de avaliación:
Mantéñense os criterios de avaliación indicados.
Dado que se prevé a entrega electrónica dos traballos, non se considera precisa ningunha modificación. En caso de calquera anomalía deberase contactar co profesor por e-mail antes da data de entrega prevista para prever algunha alternativa.
5. Modificacións da bibliografía ou webgrafía
Non se realizan cambios
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías