Observacións xerais

Para superar a materia, a media ponderada das diferentes tarefas e probas avaliables deberá ser 5 sobre
10. Ademáis, a cualificación mínima
das tarefas (estudo de casos, solución de problemas e prácticas de laboratorio), así como da proba obxectiva
non poderá ser inferior a 4, aínda que a nota media total sexa 5 ou máis. Así
mesmo, o alumnado deberá realizar como mínimo a metade das actividades
necesarias. De non ser este o caso, o/a alumno/a non será cualificado e na acta
oficial rexistrarase como “non presentado”. Os/as alumnos/as que non se
presenten o día do exame oficial acadarán a cualificación de NP (“non
presentado”), independentemente das actividades realizadas con anterioridade.
En caso de non superar a materia poderán optar á oportunidade de xullo (ver apartado inferior).

O alumnado deberá preparar con antelación os exercicios e as lecturas recomendadas para a posterior discusión na aula. Así mesmo, o alumnado deberá comprobar de forma regular o curso virtual da materia e o correo electrónico, medios que se empregarán para o envío de información e para a comunicación de cambios de última hora.

Aplicarase unha penalización do 25% sobre a cualificación
final de actividades se estas son entregadas fóra de prazo sen causa
xustificada e sempre que a entrega sexa dentro das 48 horas posteriores ao prazo
de entrega límite establecido. Actividades con máis de 48 horas de retraso na
entrega non será cualificadas.

Os traballos con evidencia de plaxio será cualificados
automáticamente cun 0. Para este fin poderá usarse a aplicación Turnitin, que recoñece traballos
previamente presentados nesta ou noutras universidades.

Tanto a proba obxectiva como as tarefas teórico-prácticas deben
atender aos requisitos mínimos de corrección lingüística (ortografía,
puntuación, concordancia, gramática, precisión léxica e rexistro) propios do
nivel esperado para o alumnado que cursa a materia. Deficiencias nesta área
serán penalizadas.

Datas e horarios do exame final

As datas e horarios das probas oficiais serán aprobados
pola Facultade e publicados para cada curso con anterioridade ao inicio do
mesmo.

Oportunidade de xullo

O alumnado que non supere a materia en xaneiro terá outra
oportunidade en xullo, coa seguinte distribución de porcentaxes:

1. Proba obxectiva (40%)
2. Prácticas de laboratorio (20%)
3. Estudo de casos (20%)
4. Solución de problemas (20%)

Os/as
alumnos/as que teñan superado algunha parte da materia (nota superior a 5), non terán que repetir esa parte en xullo.

Aquelas actividades de avaliación contínua que non sexan replicables fóra dun contexto da aula serán sustituidas por outras equivalentes. O profesorado contactará co estudantado que teña que acudir á oportunidade de xullo para concretar os pasos a seguir.

Alumnado con dispensa académica

O alumnado matriculado a tempo parcial e que
teña concedida unha dispensa académica, como establece a Normativa desta
universidade, será avaliado en calquera oportunidade seguindo os mesmos
criterios que para a oportunidade de xullo. Os estudantes a tempo parcial que
teñan concedida unha "dispensa académica" deben contactar co profesorado ao comezo do cuatrimestre  para facer os axustes precisos
nas distintas actividades.