Para superar a materia: é necesario ter realizadas e superar a totalidade
das prácticas de laboratorio así como superar a proba mixta (onde será
necesario alcanzar un resultado igual ou superior ao 60% de respostas correctas
do test). Unha vez superadas as prácticas e a proba mixta, para superar a
materia será necesario obter unha nota media total igual ou superior ao 50%
(nota numérica de de 5 sobre 10) da cualificación total da materia. Ç

No caso de non superar a proba mixta
(resultado que supón obter menos do 60% das respostas correctas do test), non
se poderán considerar superada a materia aínda que se teñan superadas as
prácticas de laboratorio.

 No caso de non ter cursadas as prácticas en
cursos anteriores o alumnado terá que incorporarse ás prácticas da materia do
novo plan de estudos. Neste caso as prácticas supoñerán o 20% da nota da
materia e a proba mixta o 80% desta nota total da materia.

 Para que as actividades propostas de cada
metodoloxía poidan ser avaliadas o alumnado entregará estas actividades
propostas en tempo e forma (memoria de práctica 4 días despois de finalizada as
prácticas).

 Os coñecementos para avaliar inclúen os
contidos tratados nas clases maxistrais, nos seminarios, nas prácticas de
laboratorio, nos traballos tutelados, así como o material de traballo e as
diapositivas que a profesora entrega ao alumnado e que está colgado nas
plataformas telemáticas dispoñibles para a materia, e ademais os contidos da
bibliografía recomendada. Aconsellarase ao alumnado completar toda a
información proporcionada anteriormente consultando as fontes de información
para a materia.

 No caso de non presentarse ou non superar a
proba mixta na primeira oportunidade, e ter superadas as prácticas, as cualificacións
das prácticas gardarase, e esta cualificación computarán na segunda
oportunidade. sempre que nesta segunda oportunidade supérese a proba mixta.

Matrícula de honra. As condicións para a obtención dunha matrícula de
honra son que o alumno obteña unha nota igual ou superior a 9,5 da
cualificación numérica da materia, sexa a mellor cualificación da clase na
oportunidade avaliada e a súa evolución curricular fose significativa a mellor.

Non presentado. O alumnado que non realice o 100% das prácticas de
laboratorio, será avaliado como “Non Presentado”, independentemente da súa
participación noutras actividades incluída a proba mixta, así mesmo, o alumno
que non realice a proba mixta será avaliado como "Non Presentado".

 2ª Oportunidade: Ao alumnado que se presente a 2ª oportunidade,
previa realización e superación das prácticas de laboratorio, aplicásenselle os
mesmos criterios e porcentaxes que na primeira oportunidade. Para que estas
porcentaxes computen na nota final da materia, terá que superar a proba mixta
alcanzando unha puntuación do 60% das respostas correctas do exame test.

 O
alumnado que non realizou e superou as prácticas de laboratorio, para superar a
materia terá que realizar obrigatoriamente e superar estas prácticas no
seguinte curso académico, ademais de ter que facer e superar a proba mixta.

Convocatorias de segunda e posteriores
matrículas: Para aqueles alumnos/as que cursen a
materia e teñan superadas as prácticas obrigatorias de forma completa coa
cualificación de apto, gardarase esta nota, e neste caso terá que facer a proba
mixta, unha vez superada computará co resto das cualificación. Para superar a
materia o estudante deberá realizar e superar as prácticas de laboratorio e a
proba mixta.

 Alumnado
con matrícula parcial e dispensa académica: O alumnado con matrícula
parcial ou dispensa debe comunicalo obrigatoriamente ao profesor responsable da
materia ao comezo do curso. Para este alumnado e o resto de alumnos é
obrigatorio asistir ao 100% da realización das prácticas de laboratorio. Para
que poida ser avaliado o alumnado terá que entregar as actividades propostas
para cada metodoloxía en tempo e forma. O alumno ademais terá que realizar e
superar a proba mixta. A proba mixta supón o 80% da nota da materia e as
prácticas o 20%. Para superar a materia terá que alcanzar o 50% da nota da
total da materia (5 puntos sobre 10). Convocatorias da oportunidade
adiantada de avaliación : Aqueles alumnos/ as que solicitasen a
oportunidade adiantada de avaliación, cumpran cos requisitos, concédaselle e
teñan superadas as prácticas, poderán presentarse á proba mixta. Neste caso os
criterios de avaliación serán os mesmos que para o resto dos alumnos.

Plaxio:
Na realización dos traballos da materia, o plaxio e a utilización de material
non orixinal, incluído aquel que se obtén a través de internet, sen indicación
expresa da súa orixe e, se é o caso, o permiso do seu autor/a, será cualificado
con suspenso (0,0) na actividade. Todo iso sen prexuízo das responsabilidades
disciplinarias ás que puidese dar lugar tras o correspondente procedemento