Metodoloxías Descrición
Análise de fontes documentais Utilizaranse referencias documentais de todo tipo que axuden aos obxectivos do curso. Servirán tanto para afianzar coñecementos teóricos coma para a realización de actividades de obradoiro.
Lecturas En cada tema poderase facilitar ao alumno algún documento que sirva de referencia a través da súa lectura para afondar nos contidos teóricos da materia. A devandita documentación tamén poderá empregarse como material de apoio para o resto de metodoloxías de natureza máis práctica.
Sesión maxistral Explícanse os aspectos fundamentais da materia.
Obradoiro Realizaranse diferentes actividades que requiren a participación activa do alumnado. Valorarase a capacidade de análise e de razoamento do alumno afondando nos contidos propios da materia. En canto a traballo específico do alumno, propoñeranse preguntas de resposta breve para valorar o grao de aprendizaxe e a capacidade de síntese, tamén se formularán preguntas de resposta ampla relacionadas con aspectos da materia habitualmente con referencia a un texto, un gráfico, unha noticia, etc. e no seu caso tamén poden formularse preguntas onde o alumno deberá elixir unha das opcións formuladas no enunciado. Parte desta metodoloxía desenvolverase nas clases de grupo reducido.
Proba mixta Ó final do curso realizaráse unha proba escrita que combinará preguntas de resposta breve ou resposta múltiple con algunhas cuestións de desenvolvemento amplo. Co este modelo de exame preténdense valorar os coñecementos adquiridos polo alumnado ó longo do curso, así como a capacidade de razoamento, a creatividade e o espíritu crítico do alumnado