Modalidades de avaliación

Estabelécense tres modalidades de avaliación:

1. Para as persoas que asistan regularmente ás aulas:

• Un traballo tutelado en grupo (70% da cualificación);
• Unha tarefa de reflexión individual (30% da cualificación).

O traballo colaborativo é fundamental nesta modalidade de avaliación, polo que se realizará un seguimento da asistencia do alumnado ás aulas.

2. Para o alumnado con dispensa académica:

• Un traballo tutelado (70% da cualificación). Segundo os casos, valorarase a posibilidade de realizalo en grupo ou individualmente.
• Unha tarefa de reflexión individual (30% da cualificación).

3. Para as persoas sen dispensa académica que non asistan regularmente ás clases:

• Unha proba de ensaio (100% da cualificación), que poderá ser diferente á que se propoña para a modalidade en que esta é só unha parte.

Para aprobar a materia será necesario superar todas as partes, en calquera das dúas oportunidades, polo que será necesario obter no mínimo o 50% da puntuación en cada unha delas. Na segunda oportunidade o alumnado só repetirá as partes suspensas e manterá a nota daquelas que fosen superadas.

Os traballos entregaranse telematicamente a través dunha Tarefa creada para tal fin no Campus Virtual da materia.

Débese facer un uso sustentábel dos recursos e a prevención de impactos negativos sobre o medio natural.

Débese ter en conta a importancia dos principios éticos relacionados cos valores da sustentabilidade nos comportamentos persoais e profesionais.