O profesorado de nova incorporación resérvase o dereito de realizar todas as modificacións necesarias relacionadas co plan de continxencia, o contido, a planificación, as metodoloxías de aprendizaxe, a atención personalizada e a avaliación nesta materia. Calquera cambio será notificado ao alumnado durante o inicio da materia.

A avaliación da materia consistirá nun exame práctico (20% da nota
final), un exame teórico (20%), un traballo final (20%) e os exercicios
prácticos (40%) realizados ao longo da materia. 

As competencias, as datas de entrega e os criterios de avaliación
que se desenvolverán en cada proba notificaranse previamente en clase e
publicaranse en Moodle ao longo do cuadrimestre. 

O alumnado que se atope en modalidades específicas de aprendizaxe
e apoio á diversidade terá a obrigación de realizar todas as probas e
entregalas nas datas sinaladas. As sesións expositivas, os talleres, as probas
avaliables e o traballo final foron deseñados para abarcar o maior grao de
inclusión posible. Se fose necesario e sempre baixo petición previa do
alumnado; realizaranse as adaptacións necesarias para non prexudicar a
cualificación do alumnado. 

As sesións expositivas, os talleres, as probas
avaliables e o traballo final foron deseñados para garantir o aprendizaxe
autonómo non presencial; por tanto o alumnado que se atope en situación de
dispensa académica terá a obrigación de realizar todas as probas e entregalas
durante os períodos de tempo sinalados.

A realización fraudulenta das probas ou actividades de avaliación implicará directamente a cualificación de suspenso '0’ na materia na convocatoria correspondente, invalidando así calquera cualificación obtida en todas as actividades de avaliación para a convocatoria extraordinaria.

Os criterios de avaliación para a segunda oportunidade e a convocatoria adiantada de (decembro) serán os mesmos