| General description |
Todo fenómeno social ten como transfundo o desenvolvemento económico existente no contexto social relevante. E como aspecto clave dese desenvolvemento económico está o nivel de renda das persoas. Por tanto, o cambio social, a dinámica de valores e roles sociais, as características das organizacións e institucións, ou as demandas e problemáticas sociais están mediadas polo crecemento económico. É mais, os conceptos propios da teoría do crecemento económico son útiles para entender moitos fenómenos sociais e económicos: tipos de bens tanxibles e intanxibles, rendementos decrecentes dos factores, rendementos crecentes de escala, incentivos privados á innovación, razóns para a intervención pública...
Este curso consolida e amplía o estudo da Economía iniciado na materia de Economía Política do primeiro curso do Grado en Socioloxía. Porase o acento en manexar conceptos e estatísticas para avaliar a dinámica económica, especialmente o crecemento a longo prazo. O curso é un bo complemento para a cultura profesional dos sociólogos e para outras mate-rias optativas ou TFGs relacionados con globalización, sustentabilidade medioambiental, migracións, demografía, coñecemento, cambio social, movementos sociais, políticas públicas ou metodoloxía de análise.
|
