O estudante entregará un informe de seguimento que recollerá unha descrición das tarefas e traballos tutelados que vai desenvolvendo, departamentos da entidade aos que está a ser asignado e unha relación dos problemas que lla van expondo e o procedemento que seguiu para a súa resolución.

Ao finalizar o cuadrimestre entregará unha memoria que conterá, como mínimo, a seguinte información:

- Datos persoais do estudante.

- Entidade colaboradora onde realizou as prácticas e onde está situada.

- Descrición concreta e detallada das tarefas e traballos tutelados desenvolvidos con indicación do ou dos departamentos da entidade onde se realizaron.

- Valoración das tarefas desenvolvidas cos coñecementos e competencias adquiridos respecto dos estudos universitarios.

- Relación dos problemas presentados e procedementos sucesivos para a súa resolución.

O responsable da avaliación será o titor académico, considerando a valoración do seguimento realizado, os informes do titor da empresa e a documentación presentada polo estudante.