Dado o carácter semi-presencial do título, a
asistencia é obrigatoria, salvo dispensa solicitada en tempo e forma e
concedida pola Comisión Académica Universitaria do título, e sempre respetando
as normativas de asistencia a clase das tres universidades participantes no
título, así como os sistemas de avaliación que figuran expresamente nas guías
docentes das diferentes materias, e sen prexuízo das consecuencias que poida
ter para a súa avaliación final a ausencia a determinadas sesións presenciais.

Quen
teña concedida a dispensa académica, e como establece a Normativa de
permanencia da universidade, será avaliado seguindo os criterios aplicables á oportunidade
de xullo.

É necesario acadar polo menos unha nota de 4 puntos EN CADA UN DOS exames ou traballos para sumar unha nota final. 

Quen
non leve a cabo os traballos encomendados, no seu caso, ou non teña realizado traballo superior ao 50% do resto das categorías de avaliación, acadará a cualificación
de Non Presentado. A non presentación á proba obxectiva acarreará, independentemente do resto das cualificacións obtidas, a cualificación de NON presentado. 

Quen non aprobe na primeira oportunidade terá á posibilidade da oportunidade
de xullo, na que cada estudante terá que demostrar ter acadadas as
competencias da materia mediante dous tipos de avaliación: un ou máis exercicios do mesmo valor porcentual e natureza que na primeira oportunidade o a correspondente proba escrita obxectiva. 

Diversidade e adaptación. A materia poderá ser adaptada ao estudantado que precise da adopción de medidas encamiñadas ao apoio á diversidade consonte ás indicacións da Unidade de Atención á Diversidade.

Segundo se recolle nas distintas normativas de aplicación para a docencia universitaria, nesta materia utilizarase a perspectiva de xénero (usarase linguaxe non sexista, utilizarase bibliografía de autores/as de ambos sexos, propiciarase a intervención en clase de alumnos e alumnas...) Asemade, traballarase para identificar e modificar prexuízos e actitudes sexistas e influirase no posible para modificalos e fomentar valores de respecto e igualdade. Igualmente, deberanse detectar situacións de discriminación por razón de xénero, no seu caso, e proporanse accións e medidas para corrixilas. 

Máis sobre os plaxios: moi importante 

Nesta asignatura podería  empregarse a ferramenta Turnitin na avaliación dos traballos e as actividades. Atendendo ás recomendacións da Xunta de Facultade, engádese o seguinte texto que deberá ser tido en conta polos estudantes: Turnitin é unha aplicación de uso para o profesorado coa finalidade de revisar porcións de texto procedentes doutros textos e sinalar a súa procedencia. Esta ferramenta pode recoñecer traballos previamente presentados nesta ou noutras universidades, incluso do mesmo estudante. Se esta circunstancia acontecese entenderase como contraria á honestidade académica e aplicarase a Normativa académica de evaluaciones, de calificaciones y de reclamaciones na avaliación. "Calquera falta de honradez académica (plaxio, copiar en exames, etc.) penalizarase de acordo co establecido nas 'Normas de avaliación, revisión e reclamación das cualificacións dúas estudos de grao e mestrado universitario". 

IMPORTANTE: Calquera caso de plaxio ou fraude académico
significará un suspenso (0) na materia, tal e como aparece recollido no "Regulamento disciplinar do estudantado da UDC": Cualificación de suspenso na convocatoria en
que se cometa a falta e respecto da materia en que se cometese: o/a estudante será cualificado con
“suspenso” (nota numérica 0) na convocatoria correspondente do curso académico,
tanto se a comisión da falta se
produce naprimeira oportunidade como na segunda. Para isto, procederase a
modificar a súa cualificación na acta de primeira oportunidade, se fose necesario.