Metodoloxías Descrición
Prácticas de laboratorio Realizaranse prácticas de laboratorio nas que, dentro das dispoñibilidades de instrumentación e infraestrutura da Facultade, traballarase con aplicacións das técnicas analíticas estudadas (técnicas cromatográficas, electroanalíticas...). O estudante realizará unha preparación previa orientada polas cuestións presentadas polas profesoras. Nas sesións prácticas incidirase na comprensión da instrumentación e na manipulación da mesma supervisada polas profesoras. Elaborarase un informe de laboratorio que incluirá unha busca bibliográfica, cálculos numéricos e un comentario crítico dos resultados
Proba mixta Realizarase unha proba para avaliar os coñecimentos adquiridos e o seu manexo. Nesta proba haberá cuestións de tipo teórico e exercicios numéricos, as cales avaliarán os contidos das sesións maxistrais e seminarios.
Seminario Procederase á resolución dalgúns dos problemas numéricos entregados previamente aos alumnos e que deberán ter traballado de forma individual, personal e previa aos seminarios.
Sesión maxistral Presentaranse as bases conceptuais de cada unha das técnicas analíticas empregadas. Explicando os principios físicos, biolóxicos ou físico-químicos nos que se basean as medidas. Discutiranse os principios da instrumentación e problemas habituais.