A avaliación constará de dúas partes:

1) Parte teórica, que inclúe os seminarios e a parte teórica da proba mixta.

2) Parte práctica, que inclúe os informes que se deben entregar e a parte
práctica da proba mixta.

En cada unha delas tense que acadar un mínimo de 4 puntos sobre 10. Amais,
será imprescindible obter un mínimo de 4 puntos en cada unha das dúas partes,
teórica e práctica, da proba mixta final. A media de todas as actividades
avaliables ten que chegar a un mínimo de 5 puntos. Se a media for de 5 ou máis
puntos, pero se obtiver menos de 4 puntos nunha das partes da proba mixta (ou
nunha das partes da avaliación), a nota final será de 4,9 (suspenso).

Na segunda oportunidade (Xullo) realizarase unicamente a proba mixta. Nesta
oportunidade mantéñense as cualificacións obtidas na primeira oportunidade nos
seminarios e informes de prácticas. Se o alumno está suspenso na primeira
oportunidade, mais a nota nunha das partes da proba mixta (teoría ou práctica)
é de 5 ou máis puntos, manterase esa nota na segunda oportunidade, tendo só que
realizar a outra parte da proba mixta, a non ser que manifeste a súa vontade de
repetir a totalidade desa proba.

A asistencia a prácticas considérase obrigatoria. A non asistencia a unha
ou dúas sesións de prácticas será penalizada cun punto e dous puntos menos,
respectivamente, na nota da parte práctica da proba mixta. Se o alumno non
asiste a tres ou máis sesións de prácticas, terá suspensa a materia. Se non
concorreren ás probas mixtas, os estudantes serán considerados como NON
PRESENTADOS.

Todos os aspectos relacionados con “dispensa académica”, “dedicación ao
estudo”, “permanencia” e “fraude académica” rexeranse de acordo coa normativa
académica vixente da UDC.