Para superar a materia o alumnado debe de obter polo menos 4 puntos na proba mixta (e en cada unha dos seus dous partes, teórica e práctica) e en seminarios. A media de todas as actividades debe de ser como mínimo de 5; Se resultase ser de 5 ou máis puntos, pero obtivéronse menos de 4 puntos nunha das partes da proba mixta, a nota final será de 4,9 (suspenso). Na segunda oportunidade (Xullo), realizarase unicamente a proba mixta, as cualificaciones obtidas nos seminarios mantéñense da primeira oportunidade. Serán considerados como NON PRESENTADOS os/as alumnos/as que non concorran ás probas mixtas. 

A asistencia as prácticas considerase obrigatoria. A non asistencia a unha ou dúas sesións de prácticas será penalizada cun punto e dous puntos menos, respectivamente, na nota da parte práctica da proba mixta. Se o/a estudante non asistise a tres ou máis sesións de prácticas, terá suspensa a asignatura.

Para o estudantado con dedicación a tempo parcial oficialmente
recoñecida e dispensa académica, a actividade de seminarios poderá ser
substituida a petición do/a alumno/a por un traballo escrito

As matrículas de honra outorgaranse preferentemente entre o alumnado presentado na avaliación correspondente á primeira oportunidade da convocatoria.

Todos os aspectos relacionados con "dispensa académica", "dedicación ao estudo", "permanencia" e "fraude académica" rexeranse de acordo coa normativa académica vixente da UDC.