Aínda que o profesor poñerá a disposición dos alumnos as presentacións empregadas nas clases, éstas non son máis que guías de estudo , insuficientes para superar a materia . A asistencia a clase e o emprego dos textos recomendados falicitarán a comprensión do temario e a superación dos exames. De detectarse fraude académico nas actividades da materia aplicarase a normativa vixente.

Programa Green Campus Facultadede Ciencias: Para axudar a conseguir unha contorna inmediata sostible e cumprir co punto 6 da"Declaración Ambiental da Facultade de Ciencias (2020)", os traballos documentais que se realicen nesta materia:

a.Solicitaranse maioritariamente en formato virtual e soporte informático.

b. De realizarse en papel: 1) Non se empregarán plásticos. 2) Realizaranse impresións a dobre cara. 3) Empregarase papel reciclado. 4) Evitarase a realización de borradores.

Ademais, polas características da materia, os contidos e actividades están deseñados para favorecer a ambientalización curricular.

Segundo se recolle nas distintas normativas de aplicación para a docencia universitaria deberase incorporar a perspectiva de xénero nesta materia (usarase linguaxe non sexista, utilizarase bibliografía de autores/as de ambos sexos, propiciarase a intervención en clase de alumnos e alumnas...). Traballarase para identificar e modificar prexuízos e actitudes sexistas e influirase na contorna para modificalos e fomentar valores de respecto e igualdade. Deberanse detectar situacións de discriminación por razón de xénero e proporanse accións e medidas para corrixilas.