Metodoloxías Descrición
Traballos tutelados A empresa ou institución nomeará un titor, que deberá ser un titulado superior, preferiblemente da mesma titulación ou titulacións afíns á do estudante, e que se encargará das seguintes funcións:

1. Proporcionar ao Centro unha breve descrición do traballo a realizar polo estudante, indicando os coñecementos específicos e habilidades que ha de ter o estudante para levalo a cabo e indicar a formación que adquirirá durante a realización do traballo
2. Orientar ao estudante durante a realización do traballo
3. Elaborar un informe final, dirixido ao Decanato da Facultade no que se avalíe o grao de aproveitamento acadado polo estudante

O/a alumno/a terá ademáis un titor académico na Facultade, que será quen revise o informe emitido polo estudante, facendo as recomendacións e puntualizacións pertinentes para correxilo e melloralo. Á vista destas recomendacións, o/a alumno/a revisará o documento e o entregará en administración da Facultade de Ciencias xunto cunha instancia solicitando a súa avaliación.
Resumo Esta Memoria constará das seguintes partes e pola citada orde:

1. INDICE
1.1 Debe de recoller os documentos dos que consta o informe

2. DATOS DO ESTUDANTE
2.1 Breve información sobre o estudante (apelidos, nome, DNI, dirección de contacto, teléfonos e dirección de correo electrónico)

3. DATOS DA EMPRESA
3.1 Breve información sobre a empresa (nome, situación, sector de actividade, organigrama, número de empregados, etc...)

4. RESUMO DAS PRÁCTICAS
4.1 Resumen do traballo desenvolvido polo estudante durante o período das prácticas

5. ACTIVIDADES DESENVOLVIDAS
5.1 Obxectivo das prácticas. Neste apartado débense de recoller os obxectivos que se perseguen co traballo
5.2 Traballo encomendado. Fundamento teórico e experimental das diferentes actividades desenvolvidas durante o periodo de prácticas tendo en conta, no seu caso, o segredo profesional ao que está obrigado
5.3 Distribución temporal. Distribución das tarefas realizadas, especificando a duración das mesmas e as unidades ou Departamentos nas que se realizaron
5.4 Formación recibida. Cursos, programas informáticos, seminarios, charlas, etc...
5.5 Nivel de integración dentro do departamento e relacións co persoal

6. CONCLUSIÓNS
6.1 Adecuación ás ensinanzas recibidas na Facultade para o desempeño da práctica
6.2 Valoración persoal da aprendizaxe conseguida ao longo de toda a práctica
6.3 Declaración de responsabilidade do alumno (achégase modelo Anexo I)