Metodoloxías Competencias / Resultados Descrición Cualificación
Portafolios do alumno A7 B7 B9 O caderno de laboratorio é o elemento principal na avaliación da materia, tendo en conta o seu carácter eminentemente práctico. O caderno recolle tanto o traballo realizado polo/a alumno/a no laboratorio, coma a súa capacidade de transmitir as súas observacións, analizar os resultados e obter conclusións baseadas nos datos.
O prazo de entrega do caderno de cada módulo, para a súa avaliación polo profesorado correspondente, será unha semana despois de rematar as prácticas do módulo. 		70
Proba obxectiva A2 B3 B10 B12 C9 A proba obxectiva consistirá nun exame tipo test ou de preguntas cortas, de cada un dos módulos. A finalidade desta proba é comprobar a asimilación dos coñecementos adquiridos no laboratorio.
A proba terá lugar na data marcada no calendario de exames oficiais da Facultade. 		30
 
Observacións avaliación
A asistencia ás sesións de
prácticas programadas é obrigatoria. Máis dunha falta sen xustificar implicará
a non superación da materia. Os alumnos que cheguen máis de 10 minutos tarde a unha sesión sen xustificación contarán como non presentados para esa práctica. As faltas deberán xustificarse sempre e, no caso de ser xustificadas recuperarse noutro grupo sempre que sexa posible. 
A cualificación global será
a media das cualificacións de cada un dos 3 módulos. Para superar a materia é
preciso acadar un mínimo de 5/10 en todos e cada un dos módulos. 

De non aprobar algún/s dos
módulos, o/a alumno/a terá que recurrir á segunda oportunidade, na que se
manterá a cualificación dos módulos aprobados. 
O alumnado que vaia á segunda
oportunidade terá que corrixir o/s caderno/s de laboratorio correspondente/s, e
entregalos para unha nova avaliación nun prazo de 30 días a partir da
publicación das notas definitivas da primeira oportunidade. A cualificación
desta revisión xunto coa cualificación do exame de xullo será a nota da 2ª
oportunidade, manténdose as porcentaxes de 70% caderno e 30% exame igual que na
primeira oportunidade. Se un alumno quere gardar a nota do caderno ou do exame da primeira oportunidade e só recuperar a outra parte na segunda oportunidade podería presentarse só a unha das partes e gardar a nota obtiva na primeira oportunidade da outra parte. 
A guía docente que se aplicará aos estudantes que soliciten a convocatoria adiantada de decembro será a do curso en vigor e seguirá o mesmo procedemento de mellora dos cadernos e repetición dos exames de cada parte que a segunda oportunidade.

Todos os aspectos relacionados con “dispensa académica”, “dedicación ao estudo”, “permanencia” e “fraude académica” rexeranse de acordo coa normativa académica vixente da UDC