Recoméndase a asistencia continuada e regular á clase e o estudo diario da materia.

A lectura da Guía Didáctica desta materia é fundamental para coñecer as orientacións xerais da materia e as actividades prácticas que se deben realizar. Así mesmo, recoméndase o uso frecuente do Moodle da materia onde o alumnado será informado das propostas do profesor (avisos, prácticas, exercicios, noticias, etc.) e atopará os materiais obrigatorios da materia.

Ademais, como norma xeral, hai que ter en conta as seguintes cuestións:

1.- A entrega dos traballos documentais realizados nesta materia farase en soporte papel cumprindo os seguintes puntos:

- Non se utilizarán plásticos.

- Realizarase impresión a dobre cara.

- Empregarase papel reciclado.

- Evitaranse borradores de impresión.

2.- Débese facer un uso sostible dos recursos e evitar impactos negativos sobre o medio ambiente.

3.- Débese ter en conta a importancia dos principios éticos relacionados cos valores de sustentabilidade nos comportamentos persoais e profesionais.

4.- De acordo coas distintas normativas aplicables á docencia universitaria, a esta materia deberá incorporarse a perspectiva de xénero (utilizarase unha linguaxe non sexista, empregarase bibliografía de autores de ambos sexos, fomentarase a intervención do alumnado na clase. ...)

5.- Traballará na identificación e modificación de prexuízos e actitudes sexistas, e influirá no medio para modificar e promover valores de respecto e igualdade.

6. Débense detectar situacións de discriminación de xénero e propor accións e medidas para corrixilas.

7. Facilitará a plena integración do alumnado que, por razóns físicas, sensoriais, psicolóxicas ou socioculturais, experimente dificultades para acceder á vida universitaria de xeito adecuado, en igualdade e rendibilidade.