Metodoloxías Descrición
Prácticas de laboratorio As clases prácticas consistirán en desenvolver un sistema básico multiaxente (MAS) ou algunhas partes específicas do mesmo. A entrega pode ter diferentes prazos para favorecer o traballo continuado. As instrucións prácticas facilitaranse previamente para que o alumnado as lea en detalle, debendo seguirse rigorosamente. Posteriormente, o traballo do profesorado será a de supervisar as prácticas, resolvendo dúbidas e corrixindo malas interpretacións, erros, etc.
Solución de problemas Nas clases de problemas presentaranse supostos prácticos directamente relacionados cos conceptos teóricos. O alumnado terá que buscar solucións alternativas fóra da aula. O obxectivo é fomentar a participación do alumnado e promover, na medida do posible, o diálogo aberto e a valoración de solucións.
Presentación oral Para algunha práctica ou problema, o alumnado deberá elaborar unha exposición onde expoña o seu traballo na aula, destacando as principais achegas e conclusións.
Sesión maxistral Exposición oral complementada co uso de medios audiovisuais e introdución dalgunhas preguntas dirixidas ao alumnado coa finalidade de transmitir coñecementos e facilitar a aprendizaxe.
Traballos tutelados Realizaranse varios traballos relacionados coa parte práctica da materia. Neste traballo se expoñen situacións que requiren ao estudante identificar o problema obxecto de estudo, formulalo con precisión, desenvolver os procedementos pertinentes, aplicar as técnicas vistas en clase, interpretar os resultados e sacar as conclusións oportunas do traballo realizado.
Proba obxectiva Consistirá en cuestións teórico-prácticas sobre calquera dos conceptos incluídos na orde do día do curso.