Metodoloxías Descrición
Sesión maxistral O profesorado expón un tema ao alumnado co obxectivo de facilitar un conxunto de información con un alcance específico. Esta metodoloxía docente aplicarase á actividade formativa “Clases teóricas”.
Prácticas de laboratorio O profesorado da materia plantexa ao alumnado un problema ou problemas de carácter práctico cuxa resolución require a comprensión e aplicación dos contidos teórico-prácticos incluídos nos contidos da materia. O alumnado pode traballar a solución dos problemas plantexados individualmente ou en grupo. Esta metodoloxía didáctica aplicarase á actividade formativa "Clases prácticas de laboratorio" e poderá aplicarse á actividade formativa "Sesións de aprendizaxe baseada en problemas, seminarios, estudos de casos e proxectos".
Estudo de casos Preséntase ao alumnado un escenario de traballo, real ou ficticio, que presenta un determinado problema. O alumnado deberá aplicar os coñecementos teórico-prácticos da materia para buscar unha solución á pregunta ou cuestións formuladas. Como norma xeral, o estudo de casos realizarase en grupo. Os diferentes grupos de traballo presentaranse e poñerán en común as súas solucións.