Metodoloxías Competencias / Resultados Descrición Cualificación
Proba mixta A2 A5 A6 A26 Proba de avaliación das prácticas e estudos de casos. A proba poderá conter preguntas tipo test, de resposta breve ou resolución de exercicios relacionados cos contidos específicos tratados nas prácticas e casos analizados. 40
Prácticas a través de TIC A2 A5 A6 A26 As prácticas consistirán en diferentes actividades de entrega obrigatoria propostas ao longo do período lectivo. O seguimento continuo da materia farase a través da avaliación das entregas destas actividades, que en función do seu nivel de correción e o cumprimento dos prazos de entrega, poden supor até un 20% da nota total.

 20
Proba obxectiva A2 A14 A26 Proba de avaliación dos contidos teóricos da materia que se realizará no período reservado no calendario académico para a avaliación. A proba poderá conter preguntas tipo test, de resposta breve ou resolución de exercicios relacionados coas temáticas tratadas nas sesións maxistrais. 40
 
Observacións avaliación

PRIMEIRA OPORTUNIDADE

Para superar a materia serán requisitos indispensábeis:

  • Obter unha cualificación APTA en todas as prácticas obrigatorias que se propoñan.
  • Acadar un mínimo do 40% na nota da proba obxectiva.
  • Acadar un 50% na nota media total, calculada como a media ponderada das notas de prácticas (seguimento continuo e proba de prácticas) e da proba obxectiva.

Condición para cualificación de Non Presentado

Non presentar ningunha práctica e non presentarse a ningunha proba.

SEGUNDA OPORTUNIDADE E OPORTUNIDADES EXTRAORDINARIAS

Seguiranse os mesmos criterios de avaliación que na primeira oportunidade, baixo as seguintes condicións:

  • Haberá unha nova data de entrega para as prácticas obrigatorias non entregadas ou cualificadas coma NON APTAS na primeira oportunidade.
  • Conservanse da primeira oportunidade:
    • As prácticas obrigatorias cualificadas como APTAS.
    • As notas do seguimento continuo e da proba de prácticas.
    • A nota da proba obxectiva se acada o mínimo do 40%

REPETIDORAS/ES

Conservaranse durante un curso as prácticas obrigatorias que obteñan unha cualificación de APTA.

OUTROS

Todos os aspectos relacionados con “dispensa académica”, “dedicación ao estudo”, “permanencia” e “fraude académica” rexeranse de acordo coa normativa académica vixente da UDC