SISTEMA DE AVALIACIÓN CONTINUA

Todas as actividades, tarefas e traballos a realizar ao longo do cuadrimestre contabilizan para a nota final. As prácticas e o traballo de investigación realizaranse ao longo do cuadrimestre e a proba obxectiva (exame) na data oficial de primeira convocatoria.

As prácticas do obradoiro serán entregadas nas datas marcadas pola profesora a través da plataforma habilitada na aula Virtual. Non se corrixirá ningunha práctica fóra de prazo. Só serán avaliadas unha vez entregadas(non haberá segunda corrección) pois o alumnado xa conta coas instrucións e a guía da profesora nas sesións interactivas e nas titorías.

A asistencia é obrigatoria, tanto nas sesións teóricas como nas interactivas. 

Avaliación Primeira Oportunidade:

• A Parte Práctica será avaliada a través da realización das actividades do taller, supón o 50% da nota final da materia. 
•  A parte teórica da materia avaliarase mediante a realización dunha proba obxectiva (exame) nas datas oficiais de primeira e segunda oportunidade aprobadas pola Xunta de Facultade e o seu valor será o 50% da nota final.

Ambas as partes cualificaranse sobre 10, a nota final será o resultado da media da teoría e a práctica. Para o cálculo da media é necesario aprobar ambas as partes (A nota mínima para superar cada unha é un 5 sobre 10)
En caso de non superar unha das partes na primeira oportunidade, gardarase a nota da parte aprobada para a segunda oportunidade e aparecerá na acta de primeira oportunidade a nota da parte suspensa (só se garda nota durante o curso vixente)

Avaliación Segunda Oportunidade:

• A Parte Práctica, será avaliada mediante un único exercicio que comprenda o aprendido nas actividades do taller (50% da nota final) 
• A Parte Teórica, avaliarase nas mesmas condicións que na convocatoria de Primeira Oportunidade (50% da nota) 

Do mesmo xeito que na primeira oportunidade, para aprobar a materia, é necesario alcanzar como mínimo un 5/10 en cada unha das partes, e calcularase a media para obter a nota final.
Nesta convocatoria non se gardará a parte superada.

ALUMNADO CON DISPENSA OU RECOÑECEMENTO DE DEDICACIÓN A TEMPO PARCIAL: Aqueles/as alumnos/as con dispensa ou recoñecemento de dedicación a tempo parcial deberán contactar coa profesora responsable da materia ao comezo de curso, para comunicar a súa situación. O sistema de avaliación é o mesmo que para o alumnado con matricula ordinaria, tanto para a primeira como para a segunda oportunidade.

ALUMNADO ADI: Tanto nos contidos como no sistema de avaliación atenderanse ás recomendacións de axustes razoables propostas pola Unidade de Atención á Diversidade (ADI) no caso do alumnado con diversidade funcional ou NEAE, proporcionadas pola Coordinación do PAT do centro.

CONVOCATORIA ADIANTADA: As condicións de avaliación para o alumnado de convocatoria adiantada, serán un exame con contidos teóricos e prácticos a disposición do alumnado na aula Virtual, que suporá o 100% da nota.

ALUMNADO DE PROGRAMAS DE INTERCAMBIO: O sistema de avaliación será o mesmo que para o resto de estudantes.

OUTRAS OBSERVACIÓNS:

Os materiais utilizados nas sesións: presentacións, audiovisuais, lecturas e prácticas serán postos a disposición do/a alumno/a en formato dixital a través da aula Virtual.

As prácticas do Obradoiro entregaranse a través da aula Virtual, seguindo as instrucións da profesora.

Todos os aspectos relacionados coa "dispensa académica", "dedicación ao estudo", "permanencia" ou "fraude académico" rexeranse de acordo coa normativa académica vixente da UDC

As actividades do obradoiro deben ser entregadas nas datas estipuladas pola docente, así como a asistencia ao exame deberá realizarse na data oficial aprobada en Xunta de Centro, só poderán modificarse de acordo aos supostos do artigo 12 das Normas de avaliación, revisión e reclamación dás cualificacións dúas estudos de grao e mestrado universitario, UDC.