Requírese a asistencia activa ao menos ao 70% das
sesións prácticas. Para os estudantes a tempo parcial este requisito redúcese
ao 60%. Para os DAN (deportistas de alto nivel) pode chegar ata o 50%. O alumno
que non cumpra este requisito considerarase "Non Presentado" e deberá
volver a matricularse no curso seguinte.

Nas sesións prácticas, a asistencia activa supón a
realización das actividades acuáticas propostas para experimentalas e demostrar
o seu dominio. O alumnado que por motivos de lesión ou enfermidade non poida
entrar na auga, deberá elaborar unha reflexión (o modelo explicarase na
exposición da materia na primeira titoría) sobre o traballado na sesión e
entregala nun prazo máximo de unha semana despois da sesión observada. Ademais,
deberán demostrar nun exame final práctico, realizado despois do exame teórico,
que coñecen os contidos traballados.

O alumnado que acade o 70% de asistencia activa terá
xa recoñecida a parte práctica (45% da nota).

Todo o alumnado que cumpra o requisito de asistencia
activa deberá acreditar os coñecementos teóricos adquiridos mediante a
realización dun exame escrito (resposta múltiple, resposta curta e preguntas
Verdadero/Falso), na data aprobada polo claustro (45% da nota).

Para optar á máxima nota (10%) é necesario elaborar un
traballo teórico-práctico consistente na análise e reflexión sobre o proceso de
ensinanza/aprendizaxe dunha destreza acuática a un grupo ou materia real. Esta
opción é voluntaria e pódese poñer en práctica durante o tempo de titoría
asignado á materia.

Polo tanto, a cualificación final dos que cumpran coa
asistencia acadase da seguinte forma:

 - Alumnos que
cumpran coa asistencia activa: só exame teórico.

- Alumnos que cumpran coa asistencia pero non entraron
na auga: exame teórico e exame práctico.

- Alumnado que voluntariamente queira aspirar á máxima
nota: entrega do traballo práctico elaborado.

As datas de exame son as aprobadas no calendario
académico. Para o traballo voluntario como opción de matrícula de honra, o
prazo máximo é dun día antes da data de peche de actas.

O traballo deberá abordar polo menos os seguintes
apartados: 

- Introdución (presentación do traballo e xustificación da
elección). 

- Descrición da habilidade acuática elixida (analizando os retos que
supón, a dificultade ou o nivel de esixencia...). 

- Caracterización da
materia/grupo que o vai a aprender (¿Que capacidades ten?) 

- Avaliación inicial
(De onde partimos? Experiencia previa, aprendizaxe relacionada, nivel de
dominio da habilidade acuática...) 

- Proposta de progresión docente (Que
tarefas propoño? Con que formato de práctica?). 

- Avaliación final (Que nivel
de dominio acadaches?). 

- Reflexións sobre o proceso e propostas de mellora. 

-
Referencias bibliográficas consultadas.

Este traballo pódese realizar individualmente durante
as horas de titoría utilizando un compañeiro voluntario. Tamén se pode facer
por parellas, para que cada membro sirva de “aprendiz” ao outro. O traballo
deberá incluír fotos reais ou vídeos breves do alumno/a realizados polo propio
autor/a.

Os criterios de
avaliación son os mesmos na primeira e na segunda oportunidade da mesma
convocatoria. Se o alumno cumpriu coa asistencia activa e só precisa superar a
parte teórica, non será necesario repetir asistencia a clase en sesións
sucesivas.