Metodoloxías Descrición
Estudo de casos Análise de proxectos de recuperación e reforzo de estruturas existentes desde un punto de vista práctico e crítico.
Traballos tutelados Realización de traballos de aplicación práctica dos conceptos explicados, que permitan ao alumnado adquirir coñecementos e competencias a partir da elaboración dun proxecto real de reparación e/ou reforzo.
Presentación oral Realizaranse exposicións públicas dos traballos tutelados realizados, describindo a metodoloxía e os resultados obtidos, ao mesmo tempo que as dificultades atopadas e os medios empregados para resolvelos. Así mesmo, estableceranse sesións de preguntas para fomentar o debate e o intercambio de opinións.
Sesión maxistral Exposición dirixida polo profesorado, na que se fomentará a participación do alumnado, tanto para plantexar dúbidas como para ofrecer unha visión crítica dos conceptos e métodos tratados nas clases.
Consiste nunha metodoloxía expositiva que, en formato non presencial, se canaliza mediante sesións sincrónicas, utilizando a plataforma de videoconferencia da Universidade, visualización de gravacións e/ou estudo da documentación aloxada en Moodle.