| Traballos tutelados |
O estudante deberá elaborar unha memoria durante o desenvolvemento do período de prácticas no que especificará o tipo de prácticas realizadas, os obxectivos e competencias alcanzadas, os problemas cos que se atopou para a súa realización, as consultas e tutorías realizadas, as solucións propostas, os mecanismos de mellora implementados etc.
Finalmente elaborará e presentará ao seu titor académico esta memoria de prácticas así como un informe do responsable da empresa que actuará como titor no labor profesional.
Mediante o informe e a memoria, o titor académico valorará as capacidades para a aplicación dos coñecementos relacionados ao ámbito da actividade profesional, as habilidades despregadas para levalo a cabo, así como as actitudes mantidas e a dispoñibilidade para iso, observando as dificultades e solucións dadas polo estudante |