Ver páxina web da asignatura: http://caminos.udc.es/info/asignaturas/grado_itop/221 para maior información

Para aprobar en calquera das dúas oportunidades ordinarias será necesario obter unha cualificación global igual ou superior a 50 puntos sobre 100.

A avaliación realizarase a través dun exame realizado nas datas establecidas pola Xefatura de Estudos. Na primeira oportunidade poderase obter unha puntuación adicional á cualificación do exame de ata 10 puntos sobre 100 en función da cualificación obtida nas probas de seguimento realizadas na clase e do grao de asistencia á clase. Esta bonificación non se aplicará na segunda oportunidade.

O enunciado dos exames presentarase no mesmo idioma en que se imparten as clases da asignatura. Se un alumno quere dispoñer do enunciado do exame en outro dos idiomas establecidos terao á súa disposición previo aviso. O alumno pode contestar o exame en calquera dos idiomas oficiais ou tamén, se así o prefire, en inglés.

O exame constará de varios apartados adecuadamente indicados. En cada un dos apartados o estudante debe acadar como mínimo un 20% da puntuación máxima dese apartado para poder superar a asignatura. De non acadarse esa porcentaxe mínima nalgún dos exercicios o estudante recibirá un 50% da calificación total que obtivera.

Nos exames non se permitirá a consulta de ningún tipo de documento. Calquera documentación adicional que se precise será proporcionada co enunciado.
Nos exames non se poderá utilizar ningún tipo de dispositivo electrónico avanzado. Só se permitirá o uso dunha calculadora científica básica (isto é: unha calculadora que permita exclusivamente realizar operacións aritméticas e avaliar funcións elementais con un número reducido de memorias numéricas, sen ningunha outra capacidade de ningún tipo).

A utilización de documentos ou dispositivos ilícitos, así como a copia por calquera medio durante a realización dun exame serán consideradas actividades fraudulentas de carácter grave.