Metodoloxías Descrición
Sesión maxistral Exposición oral complementada co uso de medios audiovisuais e a introdución de algunhas preguntas dirixidas aos estudantes, coa finalidade de transmitir coñecementos e facilitar a aprendizaxe.
Das 40 horas lectivas, 10 son presenciais e 30 virtuais.
Prácticas clínicas Realizaranse prácticas clínicas na Unidade de Lesionados Medulares co obxectivo de familiarizarse cos métodos de evaluación, cos tratamentos mais habituais e coas novas tecnoloxías en Neurorrehabilitación.
A asistencia ás mesmas computará na avaliación tal e como se establece no apartado 7 da presente guía
Das 24 horas lectivas, 8 son presenciais e 16 virtuais.
Traballos tutelados Este sistema de ensino baséase en dous elementos básicos: a aprendizaxe independente dos estudantes e o seguimento desa aprendizaxe polo profesor-titor.
O alumno realizará baixo a tutela e seguimento do profesor un traballo final relacionado cos contidos da materia e que computará na avaliación da mesma tal e como se establece no apartado 7 da presente guía
Das 24 horas lectivas, as 24 horas son virtuais
Estudo de casos Metodoloxía onde o suxeito se enfronta ante a descrición dunha situación específica que suscita un problema que ten que ser comprendido, valorado e resolto por un grupo de persoas, a través dun proceso de discusión. O alumno sitúase ante un problema concreto (caso), que lle describe unha situación real da vida profesional, e debe ser capaz de analizar unha serie de feitos, referentes a un campo particular do coñecemento ou da acción, para chegar a unha decisión razoada a través dun proceso de discusión en pequenos grupos de traballo.
Das 16 horas lectivas, 8 horas son presenciais e 8 horas son virtuais
Actividades iniciais Actividades que se levan a cabo antes de iniciar calquera proceso de ensino-aprendizaxe a fin de coñecer as competencias, intereses e/ou motivacións que posúe o alumnado para o logro dos obxectivos que se queren alcanzar, vinculados a un programa formativo. Con ela preténdese obter información relevante que permita articular a docencia para favorecer aprendizaxes eficaces e significativos, que partan dos saberes previos do alumnado.
Das 2 horas lectivas, as 2 son presenciais.
Análise de fontes documentais Técnica metodolóxica que supón a utilización de documentos audiovisuais e/ou bibliográficos (fragmentos de reportaxes documentais ou películas, noticias de actualidade, paneis gráficos, fotografías, biografías, artigos, textos lexislativos, etc.) relevantes para a temática da materia con actividades especificamente deseñadas para a análise dos mesmos. Pódese empregar como introdución xeral a un tema, como instrumento de aplicación do estudo de casos, para a explicación de procesos que non se poden observar directamente, para a presentación de situacións complexas ou como síntese de contidos de carácter teórico ou práctico.
Das 17 horas lectivas, as 17 son virtuais