ANATOMÍA HUMANAGrao de Terapia Ocupacional

ORGANIZACIÓN DA MATERIA.A materia está dividida en dúas partes:

• Anatomía Humana (6 ECTS; profesores: Isaac Manuel Fuentes Boquete, Silvia María Díaz Prado)
• Cinesioloxía Ocupacional (3 ECTS; profesores: Sergio Santos del Riego e José Ramón Meilán Devesa)
• Responsable da materia: Profa. Silvia María Díaz Prado.

Ao inicio do curso académico, explicarase ao alumnado a organización da materia e os criterios de avaliación.

AVALIACIÓN DA MATERIA. Realízase da seguinte maneira:

• Bases Anatómicas (Prof. Isaac Fuentes e Profa. Silvia Díaz): cun valor de 6,5 sobre 10, tal como se indica a continuación:
• Avaliación continua: 1,5 sobre 6,5.
• Exame final: 5,0 sobre 6,5.Para aprobar a Anatomía Humana, será necesario alcanzar un total de 3,25 sobre 6.5.
• Cinesioloxía Ocupacional: cun valor de 3,5 sobre 10, tal como se indica a continuación:
• Exame final escrito (Prof. Sergio Santos): cun valor de 2,0.
• Exame oral práctico (Prof. José R. Meilán): cun valor de 1,5.

O aprobado da materia ANATOMÍA HUMANA corresponde a 5,0 sobre 10.

Para o cálculo da nota final da materia sumaranse as notas obtidas en cada parte da materia (Bases Anatómicas e Cinesioloxía Ocupacional), sempre que se obteña en cada parte como mínimo o 80% do valor na nota de aprobado. Así, para este cálculo da nota final da materia é preciso obter:

• Bases Anatómicas: un mínimo de 2,6 (80% de 3,25).
• Cinesioloxía Ocupacional: un mínimo de 1,4 (80% de 1,75).
Avaliación de Bases Anatómicas en detalle.
• Avaliación continua de Bases Anatómicas.- Terase en conta:

• Realización dos cadernos de prácticas (cun valor de 0,25 por cada caderno). Os cadernos publícanse en MOODLE.

• Probas de resposta múltiple en datas programadas, sobre unidades temáticas da materia (cun valor de 1,0). Estes exames tipo test teñen a mesma estrutura, grao de dificultade e modo de avaliación que a proba tipo test do exame final.

• Exame final de Bases Anatómicas (cun valor de 5,0).- Consistirá en dúas partes:

• Proba tipo test (cun valor de 2,5). Consiste de 24 a 48 preguntas. Cada pregunta conta con catro sentencias, das cales só unha é correcta. Non se puntúa negativo por resposta incorrecta. O aprobado está no 60% de respostas correctas.
• Exame preguntas cortas (cun valor de 2,5). Consiste de 5 a 10 preguntas curtas.

Avaliación de Cinesioloxía Ocupacional en detalle.

• Exame final escrito de Cinesioloxía Ocupacional (cun valor de 2,0).
• Exame oral práctico de Cinesioloxía Ocupacional (cun valor de 1,5). Consistirá na valoración dun grupo muscular e dunha goniometría articular. Poderase incluír unha parte de estiramentos, na que o alumnado terá que explicar a manobra e a implicación do grupo muscular ou músculo illado. O profesor publicará, previamente á data oficial de realización do exame correspondente, un documento co lugar e horario de realización do exame que corresponda a cada alumno/a.

ALUMNADO CON DEDICACIÓN PARCIAL OU DIFICULTADES PARA CONCILIAR O ESTUDO COA VIDA FAMILIAR E/OU LABORAL

Na realización de probas de resposta múltiple, en caso de non poder realizalas nas datas programadas, se procurará acordar datas alternativas para a súa realización.

ALUMNADO QUE CONTE CUNHA ADAPTACIÓN CURRICULAR CONCEDIDA POLA UNIDADE DE ATENCIÓN Á DIVERSIDADE DA UDC

Cando esta adaptación recolla a dificultade para a realización de probas escritas, estas serán substituídas por probas orais. Así mesmo, seguirase cada unha da recomendacións da citada unidade para a avaliación deste alumnado.

IMPORTANTE:

Todos os aspectos relacionados con “dispensa académica” , “dedicación a estudio” , “permanencia” e “fraude académico” se rexirán de acuerdo coa normativa académica vixente da UDC.