Recoméndase a revisión e seguimento do curso da materia no campus virtual,
onde se compartirán os materiais empregados na aula e se informará das actividades a realizar.
Ante a posibilidade de non poder usar as aulas de informática durante as sesións interactivas, o alumnado da materia deberá asistir a estas clases con ordenador portátil ou tableta electrónica, para así poder realizar as actividades previstas. O alumnado deberá instalar o paquete Office 365 -en caso de non dispoñer del, a universidade permite a súa instalación gratuita-, porque durante as sesiones interactivas farase uso do software de follas de cálculo Microsoft Excel.
Os traballos da materia entregaranse a través da aula virtual, en soporte dixital; e se non é posible, recoméndase a impresión en papel reciclado, a dobre cara e evitando o uso de materiais plásticos. Segundo se recolle nas distintas normativas de aplicación para a docencia universitaria deberase incorporar a perspectiva de xénero nesta materia (usarase linguaxe non sexista, utilizarase bibliografía de autores de ambos os sexos,...). Traballaráse para identificar e modificar prexuízos e actitudes sexistas, e influirase na contorna para modificalos e fomentar valores de respecto e igualdade. Facilitarase a plena integración do alumnado que por razón físicas, sensoriais, psíquicas ou socioculturais, experimenten dificultades a un acceso axeitado, igualitario e proveitoso á vida universitaria. |