Metodoloxías Competencias / Resultados Descrición Cualificación
Proba mixta A112 B24 B27 B29 B30 B36 C9 Exame con dous apartados: Exame con preguntas (50-100) obxectivas e pregunta de desenvolvemento de caso clínico. Cada pregunta tipo test terá 5 opcións, das cales só unha será válida. Cada pregunta fallada restará unha correcta. A pregunta de desenvolvemento estará baseada en casos clínicos. Para aprobar a materia, é necesario que o/a alumno/a consiga polo menos o 50% da nota en cada apartado (test e desenvolvemento) desta proba, e que ademais a suma de todos os ítems da avaliación sume polo menos 5 puntos de 10. 60
Prácticas de laboratorio A112 B27 C9 C14 A asistencia ás prácticas é obrigatoria. A asistencia ao total de horas de prácticas avaliarase cun total do 25% deste apartado. No caso de necesitar realizar algún cambio de día de prácticas, será imprescindible facer un cambio con algún compañeiro/a. A non asistencia ao total de horas de prácticas conlevará a perda total da puntuación do apartado de asistencia.

Avaliarase o portafolio de prácticas que o alumno deberá ir realizando tras cada práctica, presentándoo cando teña realizado todas elas. É necesario alcanzar o 50% da nota de cada un dos traballos para superar a materia. De non ser superado o 50% de cada traballo, terase que recuperar a parte correspondente na seguinte convocatoria.

25% prácticas + 75% portafolio. 		20
Seminario B24 B30 B39 C14 A asistencia aos seminarios non é obrigatoria pero si imprescindible para poder presentar os traballos que se realizarán na dedicación de horas non presenciais. Os alumnos que non asistan aos seminarios non terán opción de presentar o traballo correspondente. 10
Sesión maxistral A112 B27 B29 B36 C9 A asistencia ás clases non é obrigatoria pero si imprescindible para poder presentar os traballos que se realizarán na dedicación de horas non presenciais. O alumnado realizará traballo individual de cada tema impartido nas sesións maxistrais. Neles deseñarase un número de preguntas a determinar ao comezo do curso e que serán as que conformen a proba mixta da materia no caso de que estas cumpran os estándares mínimos que se exporán na aula. 10
 
Observacións avaliación

Para aprobar a materia é imprescindible a asistencia ás prácticas, ter alcanzado o 50% da nota de cada traballo de prácticas e o 50% de cada apartado da proba mixta. No caso de non cumprir esta condición e que a suma de todos os apartados de avaliación sexa maior de 5, outorgarase a nota numérica de 4.9 e deberase recuperar a parte suspensa na seguinte convocatoria de avaliación.

A non asistencia a clases e/ou seminarios, aínda con falta xustificada, non será recuperable.

Non se recuperarán as prácticas que non fosen debidamente xustificadas segundo a normativa académica.

A realización fraudulenta de probas ou actividades de avaliación, unha vez comprobada, suporá directamente a cualificación de suspensión na convocatoria en que se cometa: o alumno será cualificado con "suspensión" (cualificación numérica 0) na correspondente convocatoria do curso académico, tanto se a infracción se comete na primeira oportunidade como na segunda. Para iso, modificarase a súa cualificación no informe da primeira oportunidade, no caso de ser necesario.

Calquera indicio de copia, falsificación ou plaxio en calquera das partes da materia será motivo de suspenso na materia coa nota numérica de 0.

Calquera falta de disciplina ou comportamento será motivo de expulsión da aula e carrexará o suspenso na materia coa nota numérica de 0.

Estableceranse 5 preguntas de reserva na proba mixta que poderán ser usadas para o redondeo da nota de exame da materia.

O/a alumno/a que non teña pendentes máis de 12 créditos, de materias das que xa estivese matriculado nalgún curso académico, ou de 18 créditos correspondentes ás prácticas, ademais do TFG, para finalizar os seus estudos, poderá concorrer a unha oportunidade adiantada de avaliación, que se realizará antes da finalización das actividades académicas do 1º cuadrimestre, nas datas que se establezan no calendario académico aprobado polo Consello de Goberno. Deste xeito, será avaliado mediante unha proba tipo test de contidos teórico-prácticos segundo o programa da materia.

O alumnado con matrícula parcial ou dispensa académica poderá realizar actividades avaliables complementarias das sesións maxistrais e seminarios de modo individual e a distancia. É o alumnado implicado quen debe indicar a súa preferencia por esta opción. A asistencia ás prácticas de laboratorio seguirá sendo un requisito imprescindible para superar a materia.

2ª convocatoria. Ao alumnado presentado á 2ª oportunidade gardaránselle as notas das diferentes metodoloxías avaliadas sempre que participase e superase as diferentes actividades.

Aqueles/as alumnos/as que concorran en posteriores matrículas serán avaliados conforme á guía docente e aos requirimentos docentes e académicos do curso correspondente, sendo responsabilidade do alumnado, antes de iniciar o curso, reunirse cos profesores responsables da materia para establecer e clarificar aquelas dúbidas que puidesen xurdir. Lémbrase que cada ano poden facerse modificacións nas materias e o alumnado debe ser consciente deste feito.

O número de Matrículas de Honra establecerase en base ao número de alumnos/as matriculados. As Matrículas de Honra concederanse ás mellores cualificacións finais. En caso de empate, valorarase a asistencia a clase, seminarios e prácticas, sendo este criterio para desempate en favor da maior presencialidade na aula. En caso de igualdade de criterios de avaliación realizarase un traballo de desempate.

A cualificación NON PRESENTADO será obtida por aqueles/as alumnos/as que non acudan ao exame final nas datas establecidas pola Xunta do Centro.

Oportunidade adiantada de avaliación: O alumnado que se atope nos supostos recollidos na normativa de xestión académica da UDC disporá desta opción para superar a materia mediante unha proba escrita de características similares á recollida no proceso de avaliación que terá un peso do 100% da cualificación final.