Os estudantes con matrícula a tempo parcial, dispensa académica ou outros supostos recolleitos na norma que regula o réxime de dedicación ao estudo, permanencia  e progresión,  deberán  enviar un e-mail ao profesor indicando a súa situación ao comezo do curso académico. 

Se un estudante matriculouse en materias doutros  cursos  que por solapamento de horas impídelle acudir ás prácticas e seminarios, ten que ter en conta que esta situación non lle exime de asistir a Cirurxía I.

Para o aprobado na materia será necesario: 

Asistir á totalidade dos  seminarios.

Presentar os traballos e asistir á exposición dos mesmos na data sinalada.

Realizar a totalidade das prácticas.

Os alumnos con matrícula parcial, dispensa académica  para superar a materia, terán que  obter unha media de 6 na cualificación do exame teórico e práctico.

A cualificación de non presentado:  outorgarase a aqueles estudantes que non se presentan ao exame.

Para a matrícula de honra a cualificación obtida será de 10 sobre 10 puntos.

Unha vez finalizado o curso académico, non se gardarán ningunha das notas obtidas nos diferentes apartados.

Acudir ás prácticas coa indumentaria indicada (Bata clínica e/ou pixama). Para a realización dalgunhas prácticas será necesario acudir co material indicado.

OBXECTIVOS DE DESENVOLVEMENTO SOSTIBLE: Para axudar a conseguir unha contorna inmediata sostible e cumprir co obxectivo da acción número 5: “Docencia e investigación saudable e sostible ambiental e social” do "Plan de Acción Green Campus Ferrol":

A entrega dos traballos documentais que se realicen nesta materia realizarase a través de Moodle, en formato dixital sen necesidade de imprimilos, no caso de realizarse en papel: non se empregarán plásticos, realizaranse impresións a dobre cara, empregarase papel reciclado e evitarase a impresión de borradores.

Débese facer un uso sostible dos recursos e a prevención de impactos negativos sobre o medio natural tendo en conta a importancia dos principios éticos relacionados cos valores da sustentabilidade nos comportamentos persoais e profesionais.

Facilitarase a plena integración do alumnado que por razón físicas, sensoriais, psíquicas ou socioculturais, experimenten dificultades a un acceso idóneo, igualitario e proveitoso á vida universitaria.

PLAXIO: Na realización dos traballos da materia, o plaxio e a utilización de material non orixinal, incluído aquel obtido a través de internet, sen indicación expresa da súa orixe e, se é o caso, o permiso do seu autor/a, será cualificado con suspenso (0,0) na actividade. Todo eso sen prexuízo das responsabilidades disciplinarias ás que puidese haber lugar tras o correspondente procedemento.