Esta materia está dirixida aos estudantes de primeiro curso do Grao en Dereito. Ten a consideración de materia básica porque nela estúdanse conceptos fundamentais de economía e de contabilidade, útiles non só para os estudantes de Dereito como tales, senón tamén como cidadáns que consomen, invisten, reciben subvencións públicas, pagan impostos e adoptan outras moitas decisións en materia económica.
Tendo en conta que a materia é parte fundamental de toda actividade financeiro, empresarial, social, xurídica ou política a disciplina resulta necesaria e imprescindible dentro do contexto da titulación.
A materia consta de seis créditos ECTS. Nela, explícanse os conceptos básicos, instrumentos e criterios necesarios para ter un coñecemento xeral sobre as cuestións económico-contables máis relevantes. O seu desenvolvemento está pensado para alumnos que se inician no estudo da economía e da contabilidade, e que necesitan ter unha visión global das mesmas e das diferentes cuestións e problemática que a integran.
Expómonos o coñecemento dos principios económicos contables como unha disciplina de carácter multidisciplinar e como tal non pretendemos estudar o tema en toda a súa extensión e profundidade, senón simplemente ofrecer o alumno unha visión panorámica da mesma, como corresponde á idea dun programa ao nivel dunha materia integrada nun grao de Dereito.
O considerable progreso nos programas específicos de contabilidade e no tratamento informático dos datos proporcionan unhas achegas fundamentais para facilitar a comprensión e a execución dos conceptos básicos desta disciplina.
(*)The teaching guide is the document in which the URV publishes the information about all its courses. It is a public document and cannot be modified. Only in exceptional cases can it be revised by the competent agent or duly revised so that it is in line with current legislation.
