| General description |
Esta materia ten por obxecto aproximar ao alumnado ás diversas actuacións que han desenvolverse no eido turístico con relación ao patrimonio, sexa cal sexa a súa natureza. O marco conceptual e o uso correcto do patrimonio así coma o xeito de dirixir a súa xestión centrarán tanto a parte teórica como práctica da materia.Prestarase especial atención á vinculación da xestión con moitos dos coñecementos xa adquiridos nos estudos de grao, como o patrimonio cultural e os recursos turísticos, a comercialización, o marketing, os recursos humanos ou a interpretación do patrimonio, entre outros, de xeito que podan servir de base para a comprensión dos casos prácticos que se presentarán ao longo da materia. |
