A) NORMATIVA DE AVALIACIÓN:
1. Condicións de avaliación: Está prohibido acceder á aula do exame
con calquera dispositivo que permita a comunicación co exterior e/ou
almacenamento de información.
2. Identificación do estudantado: O estudantado ha de acreditar a súa
personalidade de acordo coa normativa vixente.
B) TIPOS DE CUALIFICACIÓN:
1. Cualificación de non presentado: Corresponde ao alumno, cando só
participe en actividades de avaliación que teñan unha ponderación inferior ao
20% sobre a cualificación final, con independencia da cualificación alcanzada.
2. Estudantes con recoñecemento de dedicación a tempo parcial e dispensa
académica de exención de asistencia: Excepto para as datas aprobadas na
Xunta de Facultade para a proba obxectiva final, para as restantes probas
acordarase ao comezo do curso un calendario específico de datas compatible coa
súa dedicación.
C) OPORTUNIDADES DE AVALIACIÓN:
1. Primeira oportunidade: aplicaranse os criterios de avaliación
anteriormente indicados nesta sección.
2. Segunda oportunidade: Os criterios de avaliación son os mesmos para
todalas oportunidades de avaliación. Os estudantes poderán mellorar a
cualificación da proba de resposta múltiple incluída no apartado de avaliación
continua. As cualificacións correspondentes a prácticas a través de TIC e
solución de problemas serán as mesmas que na primeira oportunidade.
3. Convocatoria adiantada: na convocatoria adiantada é posible
recuperar os puntos da avaliación continua mediante preguntas adicionais á
proba obxectiva final.
D) OUTRAS OBSERVACIÓNS DE
AVALIACIÓN:
1. Para superar a materia,
ademais de ter unha cualificación igual ou superior a 5 sobre 10, é necesario
alcanzar un 1.4 sobre 3.5 na proba obxectiva (4 sobre 10)
2. O estudantado poderá
mellorar a súa cualificación na avaliación continua, en 1 punto como máximo,
mediante a súa participación en actividades académicas desenvolvidas polo
centro e recomendadas polo profesor.
3. O estudantado que cursou a
materia no curso 2020-21 pode manter a cualificación correspondente a prácticas
mediante TIC e solución de problemas correspondentes. A puntuación das mesmas estará ponderada en
función dos novos pesos destes ítems na
cualificación.