A ASISTENCIA É OBRIGATORIA (salvo dispensa concedida ou motivo xustficado documentalmente). Tanto a realización da proba obxectiva (a condición de que se obteña, como mínimo, unha puntuación de catro sobre dez) como dos traballos tutelados e a súa correspondente exposición e defensa, considéranse obrigatorios para superar a materia. As cualificacións obtidas nestes apartados sumaranse ás obtidas nos restantes (estudo de casos e lecturas). Considérase aprobada a materia a partir de cinco (5). Calquera puntuación inferior supón a cualificación de Suspenso. A non realización dun ou ambos os apartados obrigatorios supón a cualificación de Non Presentado. Se por causas alleas á nosa vontade e se así o indicase o Goberno do Estado, variasen as condicións de realización do curso, entón a avaliación cinguiríase á puntuación da proba obxectiva, cun 40% de peso na cualificación final, á síntese dos traballos tutelados coa aprendizaxe colaborativa, que pasaría a ter un peso do 30% da cualificación final, os estudos de casos, que supoñerían un 20% da cualificación final e, por último, as lecturas e o nivel de profundización nelas, que supoñerían un 10% da cualificación final. Todo iso levaría a cabo a través dos recursos tecnolóxicos dos que se poida dispoñer nese momento. O alumnado con dedicación a tempo parcial e dispensa académica de asistencia será avaliado da mesma maneira, excepto a exposición oral, que poderá ser síncrona ou asíncrona (para o alumnado asistente só será síncrona).