OS/AS ESTUDANTES DEBEN CUMRPRIR COAS SEGUINTES OBRIGAS:
Entregar en tempo e forma
todos os documentos solicitados para a tramitación das súas prácticas:
solicitude, CV, etc.
Responder as
comunicacións que reciba ao seu nome desde a titoría de prácticas, ben sexa vía
telefónica ou correo electrónico. Deben empregar sempre o enderezo de correo electrónico da UDC.
Informar a seu /sua titor/a académico/a, de
forma inmediata, de calquera incidencia relacionada coas prácticas.
Concertar co
titor interno, polo menos un contacto (persoal, telefónico ou enderezo de correo
electrónico da UDC ) ao mes.
Entregar, a
través do Campus Virtual, un INFORME DE AVALIACIÓN MENSUAL DE PRÁCTICAS no que
informará sobre as actividades realizadas, cumprimento de funcións, incidencias
etc.
Comunicar á
Titoría de Prácticas calquera proposta de modificación das condicións de
estancia na empresa inicialmente acordadas, así como calquera incidencia
relevantes (enfermidade, faltas de asistencia…).
Entregar a
Memoria de Prácticas a través do Campus Virtual elaborada de acordo cos
criterios que se establecen, na data asignada.
Cumprir
integramente e nas condicións acordadas o período de prácticas establecido,
principalmente no que se refire a datas e horarios.
Cumprir
estritamente a normativa da empresa en canto a comportamento, vestimenta,
uniformidade, calzado, aparencia física e uso de instalacións.
A empresa pode
anular o convenio de prácticas e prescindir da colaboración se este non cumpre
coas súas obrigacións ou a súa actitude; comportamento ou aparencia non son os
adecuados.
Os seguintes feitos terán consideración de faltas moi
graves:
Ausencia
inxustificada ou retrasos frecuentes durante o período de prácticas.
Rendemento baixo ou actitude negativa no
desempeño das funcións encomendadas, segundo o criterio do titor externo.
Creación de
problemas ou conflitos ou calquera outro feito que dea lugar á interrupción das
prácticas por parte da empresa.
Ante calquera incidencia
destas características a materia será cualificada como SUSPENSO.
Honradez académica/implicación de plaxio
Ao/áalumno/a que incorra en fraude académica aplicaráselle a sanción correspondente recollida no regulamento disciplinar do estudantado da UDC.
Atención á diversidade
A materia poderá ser adaptada ao estudantado queprecise da adopción de medidas encamiñadas ao apoio á diversidade (física,visual, auditiva, cognitiva, de aprendizaxe ou relacionada coa saúde mental).De ser o caso, deberán contactar cos servizos dispoñíbeis na UDC/noCentro: nos prazos oficiais estipulados de maneira previa a cadacuadrimestre académico, coa Unidade de Atención á Diversidade (
https://www.udc.es/cufie/ADI/apoioalumnado/); no seu defecto, coa Titora ADI da Facultade deTurismo, dentro do periodo estipulada para cada sesión.
Perspectiva de xénero
Segundo se recolle nas distintas normativas de aplicación para a docencia universitaria deberase incorporar a perspectiva de xénero nesta materia. Traballarase para identificar e modificar prexuízos e actitudes sexistas e influirase na contorna para modificalos e fomentar valores derespecto e igualdade. No case de detectar situacións de discriminación por razón de xénero, proporanse accións e medidas para corrixilas.