A proba final abarcará todos os contidos da materia.
A asistencia ao laboratorio é obrigatoria e a realizar durante o
primeiro ano de matrícula. A nota de prácticas manterase. Non se admiten
faltas non xustificadas.
En segunda oportunidade e na convocatoria adiantada avaliarase nos mesmos termos que
na primeira oportunidade.
O alumnado con recoñecemento de dedicación a tempo parcial segundo a
"Norma que regula o réxime de dedicación ao estudo dos estudantes de
Grao na UDC" deberá poñelo en coñecemento do coordinador da materia. A
avaliación realizarase nos mesmos termos que a do alumnado a tempo
completo. A posible dispensa académica de exención de asistencia a clase
non será de aplicación nas prácticas de laboratorio, ás que deberán
asistir obrigatoriamente e no horario establecido, así como ao exame
final correspondente.
A realización fraudulenta das probas ou actividades de avaliación
implicará directamente a cualificación de suspenso '0' na materia na
convocatoria correspondente, invalidando así calquera cualificación
obtida en todas as actividades de avaliación para a seguinte
convocatoria.
Segundo se recolle nas distintas normativas de aplicación para a docencia universitaria deberase incorporar a perspectiva de xénero nesta materia (usarase linguaxe non sexista, utilizarase bibliografía de autores/as de ambos sexos, propiciarase a intervención en clase de alumnos e alumnas...)Traballarase para identificar e modificar prexuízos e actitudes sexistas e influirase na contorna para modificalos e fomentar valores de respecto e igualdade.Deberanse detectar situacións de discriminación por razón de xénero e proporanse accións e medidas para corrixilas.