Considerarase  como apto aquel alumno/a cuxa suma dos diferentes apartados da
avaliación supoña una cualificación igual ou maior ao 50% da máxima posible.

Salvo que tivese lugar un cambio no sistema de
avaliación, a cualificación obtida nos seguintes apartados conservarase en posteriores
oportunidades e convocatorias:

Proba mixta

Traballo tutelado

Presentación oral

A cualificación do apartado
de solución de problemas leva a valoración conxunta dos traballos dos 2 bloques
temáticos escollidos. Cada traballo achega un 50% da cualificación final deste
apartado. Só se considerarán as cualificacións correspondentes ao último curso
en que se entregou algún deses traballos. En cada curso, a entrega dun novo
traballo, supón a renuncia do/da alumno-a á cualificación obtida neste apartado
en cursos anteriores.

Na segunda oportunidade o/a
alumno/a poderá avaliarse de todas as metodoloxía, excepto do apartado de avaliación continua da proba mixta.

Todo o exposto con
anterioridade será de aplicación tanto para o alumnado con dedicación a tempo completo
como para aquel con dedicación a tempo parcial. No caso da solución de
problemas, o alumno/a con matrícula a tempo parcial e dispensa académica de exención de asistencia poderá solicitar a cada
profesor algunha adaptación ou alternativa de actividade cando a realización
deste apartado requira dunha asistencia a clase que o/a estudante non poida
cumprir. Para casos especiais xustificados, se contemplará a posibilidade de
avaliacións alternativas.

A
realización fraudulenta de proba ou actividades de avaliación implicará
a cualificación de suspenso na convocatoria en que se cometa a falta e
respecto da materia en que se cometese: o/a estudante será cualificado
con “suspenso” (nota numérica 0) na convocatoria correspondente do curso
académico, tanto se a comisión da falta se produce na primeira
oportunidade como na segunda. Para isto, procederase a modificar a súa
cualificación na acta de primeira oportunidade, se fose necesario
(Regulamento disciplinar do estudantado da UDC, art. 11, apdo 4 b).
Entenderase por fraude académica calquera comportamento premeditado
tendente a falsear os resultados dun exame ou traballo, propio ou alleo,
realizado como requisito para superar unha materia ou acreditar o
rendemento académico (Lei 3/2022, do 24 de febreiro, de convivencia
universitaria; art. 11, apdo g). 

Ademais,
segundo a Lei de Convivencia Universitaria (BOE núm. 48, do 25 de febreiro de
2022), a fraude académica, considérase falta moi grave, podendo implicar
expulsión de 2 a 3 anos da universidade constando no expediente académico ata o
seu total cumprimento; así como, a perda de dereitos de matrícula parcial
durante un curso ou semestre académico (art. 14).

COLABORACIÓN OPTATIVA CON

GRUPOS DE INVESTIGACIÓN (máximo1 punto)

Na Facultade de Ciencias do Deporte
e a Educación Física desenvolve o seu labor investigador e docente o grupo de
investigación  Performance and Health Group cuxas áreas de traballo
están vinculadas coa prescrición de exercicio para a optimización da condición
física en diferentes perfís poboacionáis.

Unha vez superada a materia,
pódese obter 1 punto extraordinario, que se sumará á cualificación final, colaborando
activamente nas tarefas de investigación deste grupo e/ou participando nos
seminarios específicos que ofertan a tal fin. Esta colaboración será de
carácter voluntario (NON É OBRIGATORIA) e non se terá en conta para alcanzar o
aprobado.

Participar nas devanditas actividades
supón a posibilidade de aplicar na práctica os coñecementos e competencias
adquiridos na materia e de profundar nos conceptos e no dominio técnico de
moitos dos seus contidos.

Finalizada a colaboración, o
Director do grupo  outorgará a cada alumno unha cualificación entre 0 e 1
punto que se trasladará á cualificación final