CRITERIOS DE AVALIACIÓN

A.- Alumnos con
matrícula a tempo completo

O peso das partes avaliables será o seguinte: asistencia ás
sesións maxistrais (15%); saída de campo (5%); traballo tutelado (55%) e proba
de resposta breve (25%).

Para superar a materia, tanto na proba de resposta breve
como no traballo tutelado, o alumno deberá obter unha nota mínima de 5 sobre
10. É dicir, tanto o traballo tutelado como a proba de resposta breve son de
obrigada realización para o estudante.

O alumno, de forma individual, ou cun compañeiro (será
establecido polos profesores ao comezo da materia), realizará o
dimensionamiento dunha depuradora de augas residuais urbanas. Traballarase en
folla de cálculo excel. Valoraranse os seguintes aspectos:

a) Cumprimento dos obxectivos fixados para cada data de
titoría-control.

b) Comprensión dos criterios de dimensionamiento.

c) Claridade na secuencia de dimensionamiento das diferentes
etapas. d) Resolución de problemas ou erros detectados. d) Implicación na
elaboración da folla de cálculo.

e) Elaboración de esbozos finais de implantación de diversas
solucións de EDAR.

f) Elaboración de diagrama de fluxos da EDAR.

Os alumnos, de maneira individual, e co fin de poder valorar
algúns dos aspectos citados anteriormente, deberán demostrar a súa competencia coa
folla de cálculo elaborada mediante un proceso de discusión cos profesores. Esta
avaliación realizarase en cada unha das entregas das diferentes partes da folla
de cálculo. O resultado desta avaliación é "apto" ou "non
apto". Se o alumno é avaliado como "non apto" deberá fixar unha
nova data de avaliación ata ser avaliado como "apto".

A proba de resposta breve comprenderá a "resolución de
14 cuestións". Dez (10) das cuestións para resolver sairán, por sorteo,
dunha listaxe ampla de cuestións que se poñerá ao dispor dos alumnos no seu
debido momento, e que por tanto o alumno coñecerá de antemán para o seu estudo
e resolución. As outras 4 cuestións a resolver serán seleccionadas polo alumno
dun conxunto de 6 cuestións que será entregado polos profesores aos alumnos o
día e hora da convocatoria do exame. En xeral, as cuestións poderán ter
carácter teórico e/ou práctico. As de carácter teórico poderán ter forma de
test e/ou desenvolvemento breve. Cada unha das 14 cuestións que finalmente
conformen o exame terá o valor de 1 punto, e o alumno deberá obter un mínimo de
7 sobre 14 para superar a proba de resposta breve.

A porcentaxe mínima esixida de asistencia ás sesións
maxistrais é do 80 % das horas de clase. A asistencia controlarase mediante a
firma do alumno na folla de control. A puntuación da asistencia xeral vai de 0
puntos (cando se ten o 80% de asistencia) a 1,5 puntos (co 100% de asistencia).
Entre o 80 e 100% de asistencia, a puntuación obtense mediante un axuste lineal
entre os puntos de coordenadas (0; 80) e (1,5; 100).

B.- Para os alumnos
con matrícula a tempo parcial

Por normativa, os alumnos a tempo parcial están exentos da
asistencia ás sesións maxistrais. Por tanto, a puntuación correspondente á
asistencia distribúese entre o traballo tutelado e a proba de resposta breve,
quedando así:

... Saída de campo (5%)

... Traballo tutelado (60%)

... Proba de resposta breve (35%)

Para superar a materia, tanto na proba de resposta breve
como no traballo tutelado, o alumno deberá obter unha nota mínima de 5 sobre
10. É dicir, tanto o traballo tutelado como a proba de resposta breve son de
obrigada realización para o estudante. As entregas parciais do traballo
tutelado axustaranse ás mesmas datas que os alumnos a tempo completo e, do
mesmo xeito que os alumnos a tempo completo, deberán demostrar a súa
competencia coa folla de cálculo elaborada mediante un proceso de discusión cos
profesores.

Os estudantes a tempo parcial dispoñerán de todos os
materiais para o estudo na mesma plataforma Moodle.

Así mesmo, para a atención personalizada teñen á súa
disposición o correo electrónico institucional a través do cal se poden facer
consultas e acordar titorías cos profesores.