A materia Bases para a Interpretación do Coñecemento Científico consta de 2 bloques:
• METODOLOXÍA DA INVESTIGACIÓN CUALITATIVA (2 ECTs): a cualificación deste bloque representará o 30% da nota final
• BIOESTATÍSTICA E METODOLOXÍA CUANTITATIVA (4 ECTs): a cualificación deste bloque representará o 70% da nota final.
O criterio para a superación da materia é que cada un dos bloques sexan superados.
No caso de que a/o estudante non realice algunha das actividades da aprendizaxe solicitadas en cada unha das metodoloxías de avaliación, as devantidas actividades estas serán cualificadas con 0 puntos.
Se a/o estudante non superase algún dos bloques da materia na 1ª oportunidade, a nota que figurará será a correspondente á parte suspensa.
A cualificación final calcularase de acordo ao número de créditos de cada unha das partes da materia. Por tanto, a nota final será a media ponderada calculada coa fórmula: Nota final = 0,3 * Nota Investigación Cualitativa + 0,7 * Nota Investigación Cuantitativa/ Bioestatística.
SEGUNDA OPORTUNIDADE: A/o estudante deberá presentarse á avaliación daquelas metodoloxías non superadas na 1ª oportunidade.
OPORTUNIDADE ADIANTADA: Proba mixta 80% (inclúe preguntas relativas o desenvolvemento dos contidos). O traballo tutelado suporá o 20% da avaliación.
MATRICULA A TEMPO PARCIAL: As metodoloxías e porcentaxes a aplicar serán as mesmas. Na metodoloxía de solución de problemas e aprendizaxe colaborativo, as/oos estudantes deberán realizar as entregas propostas e as probas escritas durante o curso. As actividades e o traballo tutelado en investigación cualitativa poderá realizarse de xeito individual ou grupal, segundo acordo coa/o estudante.
FRAUDE: A realización fraudulenta das probas ou actividades de avaliación, unha vez comprobada, implicará directamente a cualificación de suspenso na convocatoria en que se cometa: a/o estudante será cualificado con “suspenso” (nota numérica 0) na convocatoria correspondente do curso académico, tanto se a comisión da falta se produce na primeira oportunidade como na segunda. Para isto, procederase a modificar a súa cualificación na acta de primeira oportunidade, se fose necesario.
Para axudar a conseguir unha contorna inmediata sostible e cumprir o obxectivo estratéxico 9 do "I Plan de Sustentabilidade Medio-Ambiental do Green Campus ", os traballos que se realicen nesta materia solicitaranse en formato virtual e soporte informático. De realizarse en papel:
a.-Non se empregarán plásticos.
b.- Realizaranse impresións a dobre cara.
c.- Empregarase papel reciclado.
d.- Evitarase a impresión de borradores, moi especialmente en cor.