A) NORMATIVA
DE AVALIACIÓN

1) Condicións
de avaliación

1.1 Normas para a realización das probas de avaliación presenciais

As persoas que vaian realizar unha proba presencial só poderán
usar un bolígrafo e unha calculadora científica non programable. Se fose
necesario outro material, será facilitado polos profesores no momento de
realizar a proba, ou anunciarase no Campus Virtual cun mínimo de catorce (14)
días naturais antes da data da proba para que o estudantado tráiao o día da súa
realización.

Seguindo a normativa aprobada pola Xunta da Facultade de Economía
e Empresa, está prohibido acceder á aula na que a se celebre a proba con
calquera dispositivo que permita a comunicación co exterior e/ou o
almacenamento de información, incluíndo apuntamentos da materia ou similares.
Se unha persoa é vista cun dispositivo deste tipo ao seu alcance durante a
proba, supoñerase que o emprega con ánimo de fraude e aplicarase a normativa
correspondente. As persoas que traian dispositivos deste tipo o día da proba
–incluídos teléfonos móbiles ou reloxos intelixentes- e non teñan onde
deixalos, deberán depositalos na entrada da aula antes do comezo da proba. O
profesorado non se fai responsable da súa posible perda ou extravío.

1.2 Normas para a realización das probas de avaliación controladas
a través de Teams

As persoas que vaian realizar a proba deben estar conectadas a
Teams en todo momento, salvo que se especifique o contrario de maneira expresa
nas instrucións desa proba concreta. Se unha persoa comeza a proba antes de
conectarse a Teams, desconéctase momentaneamente de Teams durante a realización
da proba, continúa facendo a proba despois de desconectarse de Teams, ou sae do
campo de visión da cámara durante a realización da proba, a proba considerarase
non entregada. Cada estudante deberá ter a cámara web activada en todo momento;
a desconexión da cámara considerarase equivalente a unha desconexión de Teams,
e supoñerá que a proba considerese non entregada.

O profesorado gravará a proba como garantía da identificación do
estudantado e da realización do proceso de avaliación esixido pola Lei Orgánica
de Universidades. É responsabilidade de cada estudante configurar o seu espazo
para evitar a vulneración da intimidade ou dos datos persoais seus ou de
terceiras persoas. En todo o relativo á gravación destas probas aplicarase
estritamente a normativa da universidade.

Salvo que se indique o contrario nas instrucións dunha proba
concreta, aplicaranse as mesmas normas que nunha proba presencial: só poderase
usar bolígrafo e unha calculadora científica non programable; e non se poderá
acceder a ningún dispositivo que permita a comunicación con terceiros e/ou o
almacenamento de información, incluíndo apuntamentos da materia ou similares,
teléfonos móbiles, reloxos intelixentes, tabletas, computadores, etc. Se unha
persoa é vista cun dispositivo deste tipo ao seu alcance durante a proba,
supoñerase que o emprega con ánimo de fraude e aplicarase a correspondente
normativa.

2.
Identificación do estudante

O estudante ha de acreditar a súa personalidade de acordo coa
normativa vixente. Para iso o profesorado poderá requirir en calquera momento a
identificación do estudante, quen deberá acreditala mediante a tarxeta de
estudante da UDC, o documento nacional de identidade, ou un documento
identificativo que a xuízo do profesorado sexa equivalente aos anteriores.

3.
Procedemento de actuación ante a realización fraudulenta dunha actividade que
computa na avaliación

A realización fraudulenta das probas ou actividades de avaliación
implicará directamente a cualificación de suspenso '0' na materia na
convocatoria correspondente, invalidando así calquera cualificación obtida en
todas as actividades de avaliación de cara a convocatoria extraordinaria.

 B) TIPOS DE CUALIFICACIÓN

1. Cualificación
de non presentado

Seguindo a normativa aprobada pola Xunta da Facultade de Economía
e Empresa, só serán cualificadas con Non Presentado as persoas que se
presentaron a actividades que en conxunto supoñan menos do 20% da nota final
desa oportunidade.

2. Estudantes
con recoñecemento de dedicación a tempo parcial e dispensa académica de
exención de asistencia

Aplicaránselle as mesmas normas de avaliación que ao estudantado
matriculado a tempo completo, tanto na primeira oportunidade como na segunda.
As persoas con recoñecemento de dedicación a tempo parcial están exentas da
asistencia a clase, pero teñen a mesma obrigación de acudir a calquera tipo de
proba de avaliación presencial que o estudantado a tempo completo.

C) OPORTUNIDADES
DE AVALIACIÓN

1.
Primeira oportunidade

1.1 Contexto xeral da avaliación

A materia ten dous contidos ben diferenciados, Estatística e
Introdución á Econometría. A cada parte correspóndelle o 50% da cualificación,
e para aprobar a materia haberá que superar os requisitos de cualificación
mínima en cada parte que se describen máis adiante.

1.2 Desagregación da nota total

A cualificación final para o conxunto da materia obterase do
seguinte modo:

1.2.1 Parte de Estatística

- Solución de problemas de Estatística: dúas actividades que
supoñerán o 10% da nota final (1 punto), e que hanse de entregar nas datas e forma
que detallaranse no Campus Virtual da materia.

- Proba obxectiva de Estatística, que combinará preguntas sobre aspectos
teóricos e teórico-prácticos con exercicios desa parte. Esta proba supoñerá o
40% da nota final (4 puntos), e realizarase ao finalizar a docencia dos
contidos de Estatística. O estudantado que non superase a proba, ou que
superándoa se así o desexa, poderá repetila na data aprobada pola Facultade de
Economía e Empresa para o exame oficial da primeira oportunidade da materia. Se
unha persoa preséntase ás dúas posibilidades a cualificación que se usará no
cálculo da nota final será a do segundo intento, con independencia de que sexa
maior ou menor que a obtida no primeiro. Se só se presenta unha vez, a
cualificación que se usará no cálculo da nota final será a dese único intento.

1.2.2 Parte de Introdución á Econometría

- Solución de problemas de Introdución á Econometría: esta
actividade supoñerá o 3% da nota final (0,3 puntos), e hase de entregar na data
e forma que detallaranse no Campus Virtual da materia.

- Traballo tutelado: un traballo aplicado, realizado en grupo, no
que se combinará o aprendido nas sesións maxistrais e nas clases de taller e
prácticas a través de TIC. Este traballo supoñerá o 7% da nota final (0,7
puntos), e hase de entregar na data e forma que detallaranse no Campus Virtual
da materia.

- Proba obxectiva de Introdución á Econometría, que combinará
preguntas sobre aspectos teóricos e teórico-prácticos con exercicios desa
parte. Esta proba supoñerá o 40% da nota final (4 puntos) e realizarase cara ao
final do período de clases, ao acabar a docencia dos contidos de Introdución á
Econometría. O estudantado que non superase a proba, ou que superándoa se así o
desexa,  poderá repetila na data aprobada
pola Facultade de Economía e Empresa para o exame oficial da primeira
oportunidade da materia. Se unha persoa preséntase ás dúas posibilidades a
cualificación que se usará no cálculo da nota final será a do segundo intento,
con independencia de que sexa maior ou menor que a obtida no primeiro. Se só se
presenta unha vez, a cualificación que se usará no cálculo da nota final será a
dese único intento.

1.3 Forma de realizar e entregar as actividades que computan na
nota final da materia

Para cada actividade que o estudantado deba realizar publicaranse
unhas normas de entrega específicas no Campus Virtual da materia, que
detallarán os requisitos que debense cumprir para que se considere que a
actividade foi realizada e entregada correctamente. O incumprimento deses
requisitos significará que parte da actividade está mal realizada, supoñerá
unha penalización da puntuación por defecto de forma, ou levará a considerar
que a actividade non se entregou, dependendo do requisito concreto que non se
satisfaga. Cada estudante será responsable de comprobar que o que vai entregar
cumpre os requisitos pedidos antes de proceder á entrega definitiva.

Estas normas de entrega publicaranse no Campus Virtual cun mínimo
de catorce (14) días naturais antes da data límite de entrega da actividade
correspondente.

1.4 Cualificación final da primeira oportunidade

Só superarán a materia as persoas que cumpran os seguintes
requisitos:

a) Obter unha puntuación de cinco puntos ou máis ao sumar as notas
de todas as actividades realizadas.

b) Obter unha puntuación do 40% ou máis do peso de cada unha das
dúas partes nas que se divide a materia. Así, para superar a materia é
imprescindible obter unha puntuación de dous puntos ou máis nas actividades da
parte de Estatística, e unha puntuación de dous puntos ou máis nas actividades
da parte de Introdución á Econometría.

A cualificación que figurará na acta da primeira oportunidade será
a suma das notas de todas as actividades realizadas ao longo do cuadrimestre,
coas seguintes excepcións:

- As persoas cuxa nota total sexa igual ou superior a cinco puntos
pero que teñan a materia suspensa por non obter unha puntuación mínima do 40%
nalgunha das dúas partes, serán cualificadas na acta da primeira oportunidade
con 4,5 puntos.

- Tamén terán dita cualificación as persoas cuxa nota total non
chegue aos cinco puntos pero sexa superior á 4,5.

2. Segunda
oportunidade

2.1 Estudantes que non teñan unha nota mínima de 2,5 puntos en
ningunha das dúas partes da materia:

Estas persoas terán que repetir as seguintes actividades na oportunidade
de xullo:

- Proba obxectiva da parte de Estatística (40% da nota final, 4
puntos).

- Proba obxectiva da parte de Introdución á Econometría (40% da
nota final, 4 puntos).

As dúas probas realizaranse o día e hora fixados pola Facultade de
Economía e Empresa para o exame oficial da segunda oportunidade.

Nas demais actividades do curso manterase a nota obtida na
primeira oportunidade, de modo que non se repetirán na convocatoria de xullo.
En consecuencia, as actividades nas que mantense a nota da primeira
oportunidade son:

- Solución de problemas da parte de Estatística (10% da nota
final, 1 punto).

- Solución de problemas da parte de Introdución á Econometría (3%
da nota final, 0,3 puntos).

- Traballo tutelado (7% da nota final, 0,7 puntos).

Se unha persoa que ten que repetir as dúas probas obxectivas, a de
Estatística e a de Introdución á Econometría, só repite unha delas,
considerarase que tamén fixo a outra e que a deixou en branco, co que será
cualificada cun cero na proba que non fixo e terá a materia suspensa.

2.2 Estudantes que teñan unha nota mínima de 2,5 puntos nunha das
dúas partes da materia:

Considerarase que estas persoas liberaron esa parte na primeira
oportunidade, e por tanto tamén se lles manterá a cualificación da primeira
oportunidade da correspondente proba obxectiva. En consecuencia, estas persoas
terán que repetir as seguintes actividades na convocatoria de xullo:

- Proba obxectiva da parte cuxa nota na primeira oportunidade é
inferior a 2,5 puntos (40% da nota final, 4 puntos).

Esta proba realizarase o día e hora fixados pola Facultade de
Economía e Empresa para o exame oficial da segunda oportunidade.

Nas demais actividades do curso manterase a nota que obtivesen na
primeira oportunidade, de modo que non se repetirán na convocatoria de xullo.
En concreto, estas actividades son:

- Solución de problemas da parte de Estatística (10% da nota
final, 1 punto).

- Solución de problemas da parte de Introdución á Econometría (3%
da nota final, 0,3 puntos).

- Traballo tutelado (7% da nota final, 0,7 puntos).

- Proba obxectiva da parte cuxa nota na primeira oportunidade é
igual ou superior a 2,5 puntos (40% da nota final, 4 puntos).

Os liberados dunha parte da materia unicamente son válidos para o
curso actual. Se unha persoa que ten liberada unha parte na primeira
oportunidade non consegue aprobar a materia na segunda oportunidade, a súa
cualificación final será suspenso, e terá que repetir toda a materia nos
seguintes cursos académicos.

Do mesmo xeito que na primeira oportunidade, a cualificación que figurará
na acta será a suma das notas de todas as actividades que integran a
cualificación final, coas seguintes excepcións:

- As persoas cuxa nota total sexa igual ou superior a cinco puntos
pero que teñan a materia suspensa por non obter unha puntuación mínima do 40%
nalgunha das dúas partes, serán cualificados na acta con 4,5 puntos.

- Tamén terán dita cualificación as persoas cuxa nota total non
chegue aos cinco puntos pero sexa superior á 4,5.

3. Convocatoria
adiantada

A cualificación determinarase mediante unha proba obxectiva que se
celebrará na data que estableza o centro. A proba obxectiva cualificarase sobre
un máximo de dez puntos, dos cales a parte de Estatística supoñerá un máximo de
cinco puntos e a parte de Introdución á Econometría un máximo de cinco puntos.
Para aprobar a materia será necesario cumprir os dous seguintes requisitos:

a) Unha cualificación total mínima de cinco puntos.

b) Unha cualificación mínima de dous puntos en cada unha das
partes.

Estas condicións de avaliación son específicas para a
oportunidade adiantada e só aplicaranse nese caso.