Criterios
de avaliación: Na primeira oportunidade, o/a alumno/a ten que cumprir as seguintes condicións: aprobar o conxunto da Proba mixta e da Proba oral (de non cumprir este requisito, a nota final será un 4). Facer polo menos a metade das actividades propostas na avaliación. Non se terán en conta as actividades entregadas fóra de prazo. Considerarase como Non Presentado aquel/a estudante que non se presente ás Probas mixta e oral. Os exercicios terán que entregarse até o último día de clase. A exposición oral realizarase nas últimas horas da clase (poden ser unha o máis semanas, segundo a cantidade de alumnos. Neste caso realizarase a proba en orde alfabética). Estas datas poden variar. Faranse oficiais nas clases.

Na segunda oportunidade se o/a alumno/a aprobou o conxunto das probas mixta e oral so terá que completar as actividades restantes. Os exercicios poderán entregarse até o día do exame. Non se aceptarán exercicios fora deste prazo. A exposición oral terá lugar o mesmo día do exame. O exame oral terá lugar o mesmo día do exame. Se o/a alumno/a non aprobou o conxunto das probas mixta e oral terá que repetilas na sesión de xullo coas mesmas condicións da primeira oportunidade
















aínda que se teña un 5 nunha das dúas probas



. No caso de non ter feitas o suspensas as demais actividades tamén terá que repetilas. Ao comezo do curso darase un calendario de entrega dos traballos e as diferentes actividades da avaliación.

Os traballos presentados polo alumnado poderán ser incorporados ao Turnitin, ferramenta para a detección do plaxio así como de traballos previamente presentados nesta ou noutras universidades, incluso polo mesmo/a alumno/a. En caso de que se produza algunha destas circunstancias, poderán ser aplicadas as medidas contempladas nas Normas de avaliación, revisión e reclamación das cualificacións dos estudos de grao e mestrado universitario da Universidade da Coruña (artigo 14.4). 

En calquera actividade avaliábel a falta de
honradez académica implicará que o/a estudante sexa cualificado/a con
“suspenso” (nota numérica 0) na convocatoria correspondente do curso académico,
tanto se a comisión da falta se producir na primeira oportunidade como na
segunda. Para isto, modificarase a súa cualificación na acta de primeira
oportunidade, se for necesario.

Os/as alumnos/as con dispensa académica de asistencia e a tempo parcial deberán presentarse ao comezo do curso para recibir indicacións sobre como aprobar o exame, e recibir avaliación continua ao longo de todo o curso. Terán que examinarse nas datas oficiais como o resto do alumnado e entregar ou realizar o resto das actividades nunha data a convir coa profesora.

Segundo se recolle nas distintas normativas de
aplicación para a docencia universitaria deberase incorporar a perspectiva de
xénero nesta materia (usarase linguaxe non sexista, utilizarase bibliografía de
autores/as de ambos sexos, propiciarase a intervención en clase de alumnos e
alumnas, entre outras medidas).

Traballarase para identificar e modificar prexuízos e
actitudes sexistas e influirase na contorna para modificalos e fomentar valores
de respecto e igualdade.

Deberanse
detectar situacións de discriminación por razón de xénero e proporanse accións
e medidas para corrixilas.

A materia
poderá ser adaptada aos/ás estudantes que precisaren da adopción de
medidas encamiñadas ao apoio á diversidade (física, visual, auditiva,
cognitiva, de aprendizaxe ou relacionada coa saúde mental). De ser o
caso, os/as alumnos/as deberán contactar cos servizos dispoñíbeis na UDC
/ no centro: nos prazos oficiais estipulados de maneira previa a cada
cuadrimestre académico, coa Unidade de Atención á Diversidade (https://www.udc.es/cufie/ADI/apoioalumnado/); ou, no seu defecto, coa titora ADI da Facultade de Filoloxía (pat.filoloxia@udc.gal).