Os alumnos/as que non acaden ol 80% na asistencia a clase ou el 50% na proba obxectiva avaliaranse nunha proba final escrita.

Na segunda oportunidade os alumnos/as avaliaranse únicamente pola cualificación do exame final.

o alumnado terá dereito a avaliarse en calquera das linguas vehiculares nas que se imparte a materia.

En cumprimento da norma que regula o réxime de dedicación ao estudo e a permanencia e a progresión dos estudantes de grao e máster universitario na Universidade da Coruña” (Art. 6.b) e as “Normas de avaliación, revisión e reclamación das cualificacións dos estudos de grao e mestrado universitario (Art. 7º.3), as medidas específicas para a atención ao alumnado con recoñecemento de dedicación a tempo parcial e dispensa académica de exención de asistencia son as seguintes: este alumnado poderá acollerse á realización dunha proba obxectiva escrita como único procedemento de avaliación e cualificación ou terá a posibilidade de participar nas actividades de aula, asistindo parcialmente ás sesións (mínimo un 30% de participación) e formando parte dun dos grupos de traballo existentes. Neste caso, a proba obxectiva suporá o 70% da cualificación e os resultados do traballo de aula representará o 30%.

A realización fraudulenta das probas ou actividades de avaliación, unha vez comprobada, implicará directamente a cualificación de suspenso na convocatoria en que se cometa: o/a estudante será cualificado con “suspenso” (nota numérica 0) na convocatoria correspondente do curso académico, tanto se a comisión da falta se produce na primeira oportunidade como na segunda. Para isto, procederase a modificar a súa cualificación na acta de primeira oportunidade, se fose necesario.