Para poder aprobar a materia será preciso obter una nota mínima de 3 puntos sobre 10 na parte de proba mixta. En caso de non cumplirse este requisito a cualificación será de suspenso, aínda cando a media de todas as actividades a avaliar outorgase unha nota de aprobado.

O "Alumnado con recoñecemento de dedicación a tempo parcial e dispensa académica de exención de asistencia" deberá comunicar ao inicio do curso a súa situación á profesora da materia, segundo establece a "Norma que regula o réxime de dedicación ao estudo dos estudantes de grao na UDC" (Art.3.b e 4.5) e as “Normas de avaliación, revisión e reclamación das cualificacións dos estudos de grao e mestrado universitario (Art. 3 e 8b). Para a súa avaliación non será necesaria a asistencia a clase, pero si deberán facer entrega dos estudos de caso e prácticas realizadas na aula; e o sistema de avaliación será igual ao do resto do alumando.

Os criterios de avaliación indicados serán válidos tanto na primeira como na segunda oportunidade de avaliación.

Con respecto á cualificación de "Non presentado", so serán cualificados con "Non Presentado" as persoas que se presentaron a actividades que en conxunto supoñan menos do 20% da nota final.

O alumnado que supere unha parte da materia mediante unha proba mixta (parcial), so terá validez para o curso actual. Se un/a alumno/a que ten liberada unha parte non consegue aprobar a materia no seu conxunto nas datas oficiais dos exames da avaliación ordinaria e extraordinaria, a súa cualificación final será de suspenso, e terá que repetir toda a materia nos seguintes cursos académicos.

O alumnado que o desexe poderán presentarse a subir nota no exame final da materia, previa notificación á profesora e autorización por parte desta.

Se houbese alumnado que queira presentarse á convocatoria adiantada de decembro, para superar esta materia aplicaránselle os mesmos criterios que na segunda oportunidade. 

Está prohibido acceder á aula na que se desenvolvan as distintas probas de avaliación con calquera dispositivo que permita a comunicación co exterior e/ou almacenamento de información.