Exame teórico: 60%. Exame práctico: 15%. Prácticas de laboratorio e valoración dos traballos : 15%. A asistencia ás clases e a participación activa do alumno no desenvolvemento dos temas e dos traballo na aula supoñerá 10 % da cualificación final. Para o aprobado na materia será necesario: Realizar a totalidade das prácticas. Presentar os traballos e asistir aos seminarios. O formato do exame teórico será: Tipo test, preguntas curtas e un tema para desenvolver. O formato do exame práctico desenvolvésese de modo teórico/práctico nos laboratorios do centro. O alumno deberá responder e realizar as 3 probas clínico/ exploratorias que se lle soliciten. Deberase de superar de modo independente a proba teórica e a proba práctica para aprobar a materia. Obrigatoriedade de superar os 5 puntos sobre 10 para superar a materia, tanto no apartado teórico como no práctico. Tamén será necesario a realización de todas e cada unha das prácticas de laboratorio para superar a materia. As cualificacións das prácticas e os seminarios só se computarán na cualificación final. No caso de non superalas en primeira convocatoria, as cualificacións computarán enla segunda oportunidade. En segunda ou sucesivas matriculas non se gardarán notas. O non presentado outórgase ao non presentarse á convocatoria. A matrícula de honra aplicásese naqueles casos que se alcancen os 10 puntos.

Cando o alumno non supere de maneira independente una ou máis probas supoñerá a cualificación de SUSPENSO en acta. Se a media aritmética supera o 5, ao non superar algunha das avaliacións, figurará cun 4,9 en acta.

O feito de non presentarse a algunha das probas implica figurar en acta como NON PRESENTADO.

As probas superadas na primeira oportunidade conservaranse para a segunda oportunidade, coa cualificación obtida.



MATRÍCULA PARCIAL:



Para os alumnos de MATRICULA PARCIAL poderán optar por examinarse por escrito en primeira e segunda oportunidade nun único exame que se corresponderá coas datas oficiais aprobadas en Xunta de Facultade, onde se aplicarán as porcentaxes relativas a cada parte do contido da materia.

FRAUDE E RESPONSABILIDADES DISCIPLINARIAS:



Segundo o establecido na normativa da UDC:



1.- Se durante a realización dunha proba de avaliación os profesores responsables teñen coñecemento da quebra dos principios de decoro, legalidade ou mérito individual tales como o uso de documentos ou instrumentos non permitidos, a copia ou intento de copia dos resultados obtidos por compañeiros, a comunicación entre estudantes ou un comportamento impropio, procederase á expulsión inmediata do estudante da proba de avaliación e redactarase unha acta cos motivos, que se enviará ao decano ou director xunto coas verificacións documentais que estime oportunas para a súa valoración. Todo, sen prexuízo das responsabilidades disciplinarias ás que puidese proceder de acordo coa cualificación da falta cometida polo alumno infractor.



2.- Queda prohibido o acceso á realización das probas de avaliación con instrumentos electrónicos ou dispositivos móbiles acesos, non expresamente autorizados polo profesorado responsable, o cal será causa suficiente de expulsión da proba, despois de redactar a acta correspondente que se enviará ao centro.



3.- A expulsión dunha proba de avaliación implicará a cualificación de suspenso (nota numérica de 0) na convocatoria da materia.
4.- Na realización de traballos, o plaxio e a utilización de material non orixinal, incluído aquel obtido a través de internet, sen indicación expresa da súa orixe e, se é o caso, o permiso do seu autor/a, poderá ser considerada causa de cualificación de suspenso na actividade. Todo iso sen prexuízo das responsabilidades disciplinarias ás que puidese haber lugar tras o correspondente procedemento.